Maage

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
D Laag vpn e baar Organ bim Mensch

Dr Maage (griechisch γαστήρ gaster „Buuch“, „Maage“, latiinisch ventriculus) isch e Verdauigsorgan vo fast alle Dier. Die primitivsti Form isch dr Gastralruum vo de Nesseldier, wo gliichzitig au s Usschäidigsorgan isch. Dr Maage isch e Hoolorgan us Muskelgwääb, wo inne draa e Schliimhut het. Im Underschiid zum äihöölige Maage vom Mensch und de mäiste Dierarte het dr Maage vo de Wiiderchöier und Vögel meereri abgränzti Hoolruumsüsteem (meerhöölige Maage) oder hochspezialisierti Organ bi Insekte (Honigmaage, Suugmaage). Käi Maage häi z. B. d Karpfefisch (mä dänggt, ass das en ursprüngligi Aabassig an iiri Naarig gsi isch, wo us Schnägge und Muschle bestande het, wil deren iiri Schaale us Chalch d Maagesüüri nöitralisiert häi).[1]

Bim Mensch[ändere | Quälltäxt bearbeite]

Wivil in e menschlige Maage iine goot, isch indiwiduell verschiide. Es isch bim ene Erwaggsene mäistens öbbe 1,5 l.[2] Im Hoolruum vom Maage wird dr Naarigsbrei mit em Maagesaft vermischt, wo im Wäsentlige us Salzsüüri und em Enzym Pepsin, wo s Äiwiss spaltet, bestoot. Dr Maage macht d Tämpratur im ganze Naarigsbrei gliich und schichtet en und spiicheret en. Im Ruezuestand düen d Drüese öbbe 10 ml Maagesaft pro Stund absondere. Wenn Nahrig ufgnoo wird chönne bro Stund bis zu 1000 ml Maagesaft broduziert wärde. D Bildig vom Saft wird dur Närve-Impuls (vor allem bevor mä foot afo ässe) und dur Hormon gstüürt. Dur Musklekontrakzioone (Peristaltik) wird dr Naarigsbrei witer zum Pförtner dranspordiert. Die Schliessmuskle reguliert dr Fluss vom aadaute Naarigsbrei (Chymus) vom Maage in Darm und si cha sich öbbe 13 mm wit ufdue. Das bassiert regelmäässig, für dass dr Naarigsbrei gliichmäässig in dr Zwölffingerdarm witerfliesst.

Litratuur[ändere | Quälltäxt bearbeite]

  • Franz-Viktor Salomon: Magen, Ventriculus (Gaster). In: Salomon u. a. (Hrsg.): Anatomie für die Tiermedizin. Enke-Verlag Stuttgart, 2. Uflaag. 2008, S. 272–293, ISBN 978-3-8304-1075-1

Weblingg[ändere | Quälltäxt bearbeite]

 Commons: Maage – Sammlig vo Multimediadateie

Fuessnoote[ändere | Quälltäxt bearbeite]

  1. Henryk Szarski (1965), Bull. Acad. Pol. Sci., Biol., 4: 155 f.
  2. Benninghoff, Drenckhahn, Anatomie, 16. Uflaag, Elsevier Verlag (2002), S. 655
Information icon.svg Dä Artikel basiert uff ere fräie Übersetzig vum Artikel „Magen“ vu de dütsche Wikipedia. E Liste vu de Autore un Versione isch do z finde.