Die römischi Browinz Macedonia

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Römischi Browinz
Macedonia
D Browinz Macedonia im Römische Riich
D Browinz Macedonia im Römische Riich
iigrichdet: 146 v. d. Z.
Vorgänger: Amfipolis, Thessalonike, Pella, Herakleia Lynkestis
het bestande bis: zur Riichsreform vom Dioklezian
Noochfolger: Dioecesis Macedoniae

Macedonia (latiinisch) isch e Browinz vom Römische Riich gsi.

Gschicht[ändere | Quälltäxt bearbeite]

S Köönigriich Makedonie het drei Chrieg gege Rom gfüert und isch noch jeedem Chrieg e chli chliiner worde. 168 v. d. Z. het Rom noch dr Schlacht vo Pydna im makedonische Köönigdum en Ändi gmacht und s Land in vier sälbstständigi Gebiet (Amfipolis, Thessalonike, Pella und Herakleia Lynkestis) ufdäilt. Die si vo Beamte verwaltet worde, wo jedes Joor nöi gweelt worde si und wo käi Kontakt underenander häi döfe ha.

Dr Ufstand vom Andriskos, wo sich as Soon vom letschte Köönig vo Makedonie Perseus usgee het, isch vo de Römer zämmegschlaage worde und Makedonie het si Sälbstständigkäit verloore. 146 v. d. Z. si die makedonische Gebiet dur e Quintus Caecilius Metellus Macedonicus zämme mit Epirus und Däil vo Illyrie die römischi Browinz Macedonia worde Dr erst Prokonsul vo dr nöije Browinz isch dr Gnaeus Egnatius gsi. Noch dr Zerstöörig vo Korinth 146 v. d. Z. isch ganz Griecheland zur Browinz worde.

D Browinz Macedonia isch im Jahr 27 v. d. Z. ufdäilt worde. Dr Peloponnes, Attika und Däil vo Epirus si die senatorischi Browinz Achaea mit dr Hauptstadt Korinth worde.

Mit dr Riichsreform vom Diokletian isch d Dioecesis Macedoniae entstande, wo under anderem die nöi gründete Browinze Macedonia Prima und Macedonia Salutaris umfasst het.

Bi dr Riichsdäilig im Joor 395 si Makedonie, Thrakie, Achaea und Epirus an s Oströmische Riich gfalle, wo kulturell und sproochlig griechisch brägt gsi isch.

Litratuur[ändere | Quälltäxt bearbeite]

  • Tilmann Bechert: Die Provinzen des römischen Reiches. Einführung und Überblick. von Zabern, Mainz 1999, ISBN 3-8053-2399-9, S 73-76

Weblingg[ändere | Quälltäxt bearbeite]

 Commons: Macedonia – Sammlig vo Multimediadateie
Information icon.svg Dä Artikel basiert uff ere fräie Übersetzig vum Artikel „Macedonia_(Provinz)“ vu de dütsche Wikipedia.

E Liste vu de Autore un Versione isch do z finde.

41.622.54Koordinaten: 42° N, 23° O