Luca Aerni

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Luca Aerni Ski Alpin
Nation SchweizSchweiz Schwiz
Geburtstag 27. Merz 1993
Geburtsort Châtel-Saint-Denis[1]
Größi 176 cm
Gwicht 77 kg
Karriere
Disziplin Slalom, Riiseslalom, Kombination
Verein CS Les Barzettes
Status aktiv
Medallienspiegel
Weltmeisterschaften 1 × Gold 0 × Silber 0 × Bronze
Juniore-WM 0 × Gold 3 × Silber 1 × Bronze
Alpini Ski-WM
Gold St. Moritz 2017 Alpini Kombination
Alpini Ski-JWM
Bronze Roccaraso 2012 Mannschaft
Silber Québec 2013 Mannschaft
Silber Jasná 2014 Slalom
Silber Jasná 2014 Mannschaft
Platzierige im alpine Skiwältcup
 Debüt im Wältcup 1. Jänner 2013
 Gsamtwältcup 65. (2013/14)
 Slalomwältcup 21. (2013/14)
 Kombinationswältcup 15. (2016/17)
letschti Änderig: 13. Januar 2017

Dr Luca Aerni (* 27. Merz 1993 z Châtel-Saint-Denis[2]) isch e Schwyzer Skirännfahrer. Är ghert em A-Kader vu Swiss-Ski aa,[3] sy sterkschti Disziplin isch dr Slalom. Dr grescht Erfolg het er 2017 mit em Wältmaischtertitel in dr Kombination gfyyrt.

Biografy[ändere | Quälltäxt bearbeite]

Dr Aerni stammt vu Grosshöchstette im Kanton Bärn, het aber e große Dal vu syre Juged z Crans-Montana im Kanton Wallis verbrocht. Ab Novämber 2008 het er im Alter vu 15 Johr bi nationale Junioreränne mitgmacht, ab Jänner 2009 au bi FIS-Ränne. Wun em im Jänner 2011 dr erscht Siig in eme FIS-Ränne glungen isch, isch er au im Europacup yygsetzt wore. Bi dr Juniore-WM 2012 z Roccaraso het er d Bronzemedallie im Mannschaftswettbewärb gwunne. Ändi Saison 2011/12 het er dr Schwyzer Maischtertitel in dr Super-Kombination gwunne.

Aafangs Saison 2012/13 het si dr Aerni im Europacup chenne etabliere un het mehreri Top-10-Blatzierige ghaa. Är isc derno fir dr City-Event-Parallelslalom an Neijohr 2013 z Minche nominiert wore, är het doderby dr Quoteblatz vum verletzte Beat Feuz ibernuu. Drotz ass er scho im Achtelfinal uusgschiden isch, het er syni erschte Wältcup-Pinkt iberchuu.[4] Zwee Däg speter, am 3. Jänner 2013, het dr Aerni zum erschte Mol e Europacupränne fir si entschide. Bi dr Juniore-WM 2013 het er d Silbermedallie im Mannschaftswettbewärb gwunne un isch Vierte im Slalom wore. Bim Slalom vu Bormio am 6. Jänner 2014 het er im zweete Lauf vum 27. uf dr 10. Schlussrang firschigstoße un he eso syni ersct Top-10-Klassierig ime Wältcupränne realisiert. 18 Däg speter hter sy bishär bescht Wältcupergebnis mit Blatz 5 im Slalom vu Kitzbühel ghaa. Bi dr Juniore-WM 2014 het er nomol zwoo Silbermedallie gwunne (Mannschaftswettbewärb un Slalom). Am Änd isch er mit em Schwyzer Team bim Saisonfinal z Lenzerheide am 14. Merz 2014 vor dr USA un Eschtrych siigrych gsii.

In dr Saison 2014/15 het si dr Aerni nume aimol in dr Top 10 vun eme Wältcupränne chenne klassiere. Änhlig isch fir ihn au d Saison 2015/16 glofe: aimol e fimfte Blatz im Slalom vu Madonna di Campiglio am 22. Dezämber 2015. Au d Saison 2016/17 isch aafangs nich em glyche Muschter verlofe mit drei Top-10-Blatzierige un vier Uusfäll. Dur e sibte Blatz in dr Kombination vu Santa Caterina am 29. Dezämber 2016 het er si au in däre Disziplin e Startblatz fir d Wältmaischterschaft 2017 z St. Moritz gsicheret. Dert het er vu dr Trainer dr Vorzug gegeniber em Lauberhorn-Kombinationssiiger Niels Hintermann iberchuu un isch in dr Kombinationsabfahrt uf dr 30. Blatz gfahre, doderdur isch er im Slalom as Erschte aadrätte. Mit ere dytlige Beschtzyt het er alli anderi no ihm Gstartete hinter si gloo un het mit aire Hundertschtelsekund Vorsprung uf dr Marcel Hirscher d Goldmedallie gwunne.[5]

Erfolg[ändere | Quälltäxt bearbeite]

Wältmaischterschafte[ändere | Quälltäxt bearbeite]

  • St. Moritz 2017: 1. Alpini Kombination

Wältcup[ändere | Quälltäxt bearbeite]

  • 8 Blatzierige untet dr beschte zeh

Europacup[ändere | Quälltäxt bearbeite]

  • Saison 2012/13: 4. Slalomwärtig
  • 3 Podeschtblätz, dervu 1 Siig:
Datum Ort Land Disziplin
3. Januar 2013 Chamonix Frankrych Slalom

Juniorewältmaischterschafte[ändere | Quälltäxt bearbeite]

  • Crans-Montana 2011: 36. Slalom
  • Roccaraso 2012: 3. Mannschaftswettbewärb, 12. Slalom, 23. Abfahrt
  • Québec 2013: 2. Mannschaftswettbewärb, 4. Slalom, 10. Abfahrt
  • Jasná 2014: 2. Slalom, 2. Mannschaftswettbewärb, 5. Riiseslalom

Anderi Erfolg[ändere | Quälltäxt bearbeite]

  • 2 Schwyzer Maischtertitel (Super-Kombination 2012 un Slalom 2015)
  • 4 Siig bi FIS-Ränne

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Luca Aerni.
  2. Luca Aerni
  3. Selektionen Herren Ski alpin 2013/2014.. Archiviert vom Original am 2016-03-04. Abgrüeft am 2017-02-21. (PDF; 60 kB) Swiss-Ski, 17. April 2013.
  4. Luca Aerni holt Weltcuppunkte. Walliser Bote, 2013-02-01. Archiviert vom Original am 2014-01-07. Abgrüeft am 2013-03-04.
  5. Sarah Schiller: Luca Aerni und der goldene Trainerentscheid. SRF, 2017-02-13. Abgrüeft am 2017-02-20.
Information icon.svg Dä Artikel basiert uff ere fräie Übersetzig vu dere Version vum Artikel „Luca_Aerni“ vu de dütsche Wikipedia.

E Liste vu de Autore un Versione isch do z finde.