Lokapala

Lokapala (Sanskrit: lokapāla m.) bizaichnet im Hinduismus, Jinismus und Buddhismus e Welthüeter. Jedem Lokapala isch ai Himelrichtig zuegwise, woner residiert. Im Buddhismus weret vier Lokapalas gnennt, im Hinduismus acht.

Hinduismus

Im Hinduismus sind di acht Lokapalas Gotthaite wo öber e Tail vo de Welt wache tüend. Jede Lokapala het en Elifant, wonen understützt. Ursprüngli sind s nume vier Lokapalas gsii. Im Tantrismus chömet degege no zwee dezue, und zwoor de Vishnu för de Nadir und de Brahma im Zenit. Astell vom Sune- und Moogott im SW und NO werdet au anderi Gotthaite gnennt.

Himels- richtig	lokapāla	Elifant
O	Indra	Airavata
SO	Agni	Pundarika
S	Yama	Vamana
SW	Surya oder Nirriti	Kumuda
W	Varuna	Anjana
NW	Vayu	Prushpadanta
N	Kubera	Sarvabhauma
NO	Soma oder Ishana	Supratika

Jinismus

Im Jinismus sind vier Lokapala (Ardhamagadhi: logapāla) bikannt, d Näme vo de acht Himmelsrichtige wiised aber drufhii, as d Jainas früener die gliiche acht Lokapalas gchennt hend, wie d Hindus. Lokapala sind Amtsträger i de Götterhierarchii, wo unmittelbar underem Indra (Götterkönig) stönd. Jedem Lokapala isch e Farb und e Tier zugornnet.

Himels- richtig	lokapāla (Sanskrit)	logapāla (Ardhamagadhi)	Farb	Tier
O	Soma	Soma	geel	Loi
S	Yama	Jama	blau	Elifant
W	Varuṇa	Varuṇa	schwarz	Muni
N	Vaiśravaṇa	Vesamaṇa	root	Ross

Buddhismus

De Buddhismus chennt vier Welthüeter, nennt si aber Grosskönig (Chaturmaharajas) Jede Grosskönig herrscht öber e bistimmti Gruppe vo Wese und het 28 Minister, won em understellt sind.

Himels- richtig	lokapāla (Sanskrit)	caturmahārāja (Pali')	Farb	Herr öber
O	Dhṛtarāṣṭra	Dhataraṭṭha	wiiss	Gandharvas
S	Virūḍhaka	Virūḷhaka	blau, grüe	Kumbhandas
W	Virūpākṣa	Virūpakkha	root	Nagas (Schlange)
N	Vaiśravaṇa	Vessavaṇa	geel	Yakshas

Büecher

• Hans Wilhelm Haussig (Hg.): Götter und Mythen des Indischen Subkontinents. Stuttgart: Klett-Cotta (1984). ISBN 3-12-909850-X