Brahma

Us der alemannische Wikipedia, der freie Dialäkt-Enzyklopedy
Hops zue: Navigation, Suech
de Brahma und sini Frau Sarasvati

De Brahma (Sanskrit: ब्रह्मा Brahmā m.) isch e Gott im Hinduismus und bildet zäme mitem Vishnu und em Shiva e Trinität, wo d Schöpfig (Brahma), d Erhaltig (Vishnu) und d Zerstörig (Shiva) symbolisiert.

De Brahma spillt kai wichtigi Role im Kult und fungiert as Schöpfer vo de Welt. Er het vier Chöpf, wo di vier Himelsrichtige symbolisieret. D Welt erschafft er dör s Singe vo de hailige Silbe Om. Sis Riittier (vahana) isch de Schwan. Sini Frau isch d Sarasvati, d Göttin vo de bildende Künst. As sini Söö wered die grosse Waise (maharishi) gnennt, d Zaal vo dene isch aber nöd fest und schwankt zwöschet öppe sibe und zwölf. Au d Näme vo dene schwankt je noch Öberliferig.

De Brahma het i ganz Indie nume grad zwee Tempel, won em Brahma gwidmet sind, ann dodevo litt z Pushkar im indische Bundesland Rajasthan. Doch werd er au i anderne Tempel hüüffig dargstellt.

Büecher[ändere | Quälltäxt bearbeite]

  • Hans Wilhelm Haussig (Hg.): Götter und Mythen des Indischen Subkontinents. Stuttgart: Klett-Cotta (1984). ISBN 3-12-909850-X