Yama

Us der alemannische Wikipedia, der freie Dialäkt-Enzyklopedy
de Yama ufeme schwaze Büffel

De Yama (Sanskrit: यम, Yama m.) isch de Tootegott im Hinduismus. Er isch zudem de Welthüeter (lokapāla) vom Süüde.

De Yama isch de Soo vom Vivasvat und de Zwillingsbrüeder vo de Yami, wo hüffig mitem Fluss Yamuna gliichgsetzt werd. De Yama und d Yami geltet as di erste Wese wo gstoorbe sind und geltet drum au as Stammeltere vo de Mentsche. Die Funktion tailt er mit sim Brüeder Manu. De Yama isch noch sim Tood de Gott vom Tood und vo de Tootewelt wore. As Tooterichter repräsentiert er o d Grechtigkait. Sini Huut isch grüe und er trait rooti Chlaider. Sis Riittier (vāhana) isch e schwarze Büffel. As e Waffe trait er e Chüüle.

Da Yama tailt äänlichi Züüg mitem iranische Urkönig Yima und au e gwüssi Verwandtschaft werd mitem germanische Uurriis Ymir agnoo, äänlichi Vorstlige chönet aso scho i de indoeuropäischi Religioo vorhande gsii sii.

Büecher[ändere | Quälltäxt bearbeite]

  • Hans Wilhelm Haussig (Hg.): Götter und Mythen des Indischen Subkontinents. Stuttgart: Klett-Cotta (1984). ISBN 3-12-909850-X