Livry-Louvercy
| Livry-Louvercy | ||
|---|---|---|
|
| |
| Region | Grand Est | |
| Département | Marne | |
| Arrondissement | Châlons-en-Champagne | |
| Kanton | Mourmelon-Vesle et Monts de Champagne | |
| Kommünàlverbànd | Châlons-en-Champagne | |
| Koordinàte | 49° 7′ N, 4° 18′ O | |
| Heche | 96–140 m | |
| Flech | 30,74 km2 | |
| Iiwohner | 1.093 (1. Jänner 2020) | |
| Bevelkerungsdicht | 36 Iiw./km2 | |
| Code Postal | 51400 | |
| INSEE-Code | 51326 | |
| Website | www.livrylouvercy.fr | |
| Dialäkt: Mìlhüüserdiitsch |
Livry-Louvercy 
[livʁi luvɛʁsi](info) ìsch a frànzeescha Gmainda mìt 1.093 Iiwoohner (Schtànd: 1. Januar 2020) ìm Département Marne ìn dr Regioon Grand Est (vor 2016: Champagne-Ardenne). Sa gheert zem Arrondissement Châlons-en-Champagne un zem Kàntoon Mourmelon-Vesle et Monts de Champagne. D’ Iiwoohner nännt m’r Lilouverciennes [liluvɛʁsjɛn](info) (fìr d’ Fràuija) un Lilouverciens [liluvɛʁsjɛ̃](info) (fìr d’ Manner).
wu dr Nàmma har ìsch
[ändere | Quälltäxt bearbeite]Dr Nàmma Livry schtàmmt üss’m Làtiinischa Liberiacum (um 1024).[1] Ìm Làuif vu dr G’schìcht hàt s’ Dorf mehrera Nàmma trajt:[2]
- Livreium (11. Joohrhundert)[1]
- Liwreium (ànna 1189)
- Livereium (ànna 1215)
- Liri (ànna 1222)
- Livrei (ànna 1263)
- Livri (ànna 1334)
- Livry (vor 1801)
- Livry-sur-Vesle (àb 1801)
Dr Nàmma Louvercy schtàmmt üss’m Làtiinischa Luperciacum.[1] Ìm Làuif vu dr G’schìcht hàt s’ Dorf mehrera Nàmma trajt:[2]
- Luperciacum (um 850)[1]
- Louvercyum (ànna 1053)
- Louverceium (ànna 1130)
- Loverceium (ànna 1186)
- Louverci (ànna 1252)
- Louvrecy (ànna 1303)
- Louverey (vor 1801)
- Louvercy (àb 1801)
wu ’s lììgt
[ändere | Quälltäxt bearbeite]
s’ Gmaindagebiat vu Livry-Louvercy
Livry-Louvercy lììgt äbba 32 Kilomeeter süüdeeschtlig vum Schtàdtzäntrum vu Reims àn dr Vesle. Umgaa wìrd Livry-Louvercy vu da Nochbergmainda Mourmelon-le-Petit ìm Norda, Mourmelon-le-Grand ìm Nordoschta, Bouy ìm Oschta un Süüdoschta, Les Grandes-Loges ìm Süüda, Vaudemange ìm Wäschta un Süüdwäschta, Billy-le-Grand ìm Wäschta so wia Sept-Saulx ìm Nordwäschta.[3]
G’schìcht
[ändere | Quälltäxt bearbeite]D’ Gmainda Livry-Louvercy ìsch àm 1. Septamber 1964 üss dr Füsioon vu Livry-sur-Vesle (215 Iiwoohner, 1289 Häktààra) un Louvercy (132 Iiwoohner, 1718 Häktààra) ätnschtànda.[1]
wia d’ Beväälkerung äntwìckelt hàt
[ändere | Quälltäxt bearbeite]| Joohr | 1962 | 1968 | 1975 | 1982 | 1990 | 1999 | 2006 | 2018 |
| Iiwoohner | 215 | 356 | 350 | 461 | 865 | 797 | 834 | 1092 |
| Kwalla: Cassini un INSEE | ||||||||
wàs doo z’ sah ìsch
[ändere | Quälltäxt bearbeite]- d’ reemisch-kàthoolischa Màrtinskìrìch (Saint-Martin) üss’m 13. Joohrhundert z’ Louvercy. Ìn dr Kìrìch sìnn d’ Holzschtàtüüta vum hl. Màrtin, wo sii Màntel düat taila (18. Joohrhundert)[4] so wia d’ Holzschtàtüüta vu’ma hailiga Bischoof (15. Joohrhundert)[5] àls Objakta bii da Histoorischa Dankmooler vu nàzionààler Bediitung klàssifiziart. Üsserdam ìsch d’ Holzschtàtüüta vum hl. Remigius üss’m 18. Joohrhundert àls Histoorisch Dankmool vu regionààler Bediitung iig’schtuuft.[6]
- d’ reemisch-kàthoolischa Remigiuskìrìch (Saint-Remi) üss’m 12. Joohrhundert z’ Livry-sur-Vesle
- a Kriagerdankmool bii dr Kìrìch z’ Louvercy, fìr d’ g’schtoorwana Soldààta vum Äärschta un Zwaita Waltkrieg so wia vum Indokiinakriag eehra.[7]
- vor dr Kìrìch z’ Louvercy ìsch àui a Schtai un Dankmool züa da belgischa Krütbüüra (uff Frànzeesch monument aux betteraviers belges), fìr d’ Büüra-n-üss’m fläämischa Dorf Koekelare eehra, wo zwaimol ìm Joohr ìn da Zuckerrüawafalder z’ Livry-Louvercy kumma sìnn ku schàffa.[8] Üss dara G’schìcht ìsch a Pàrtnerschàft zwìscha da baida Gmainda äntschtànda.[9]
- a Kriagerdankmool uff’m Gmaindafrììdhoof z’ Livry, fìr d’ g’schtoorwana Soldààta vum Äärschta un Zwaita Waltkriag so wia vum Indokiinakriag eehra.[10]
- a Wàssermììhla àn dr Vesle
- a Wàschhüüs àn dr Vesle, wo ìn a Schwiizerhüüs umg’wàndelt worra-n-ìsch[11]
- ìn da Schtroossa sìnn vììla Blüama z’ sah. Ànna 2017 ìsch Livry-Louvercy zem äärschta Mol biim Nàzionààlwättb’warb vu da gebliahmta Schtädt un Derfer üsszaichent worra.[12]
-
d’ Màrtinskìrìch -
s’ Toor vu dr Màrtinskìrìch -
d’ Remigiuskìrìch -
s’ Kriagerdankmool z’ Louvercy -
dr Schtai, fìr d’ belgischa Krüttbüüra-n-eehra -
s’ Dankmol züa da belgischa Krüttbüüra -
d’ Wàssermììhla -
ìn dr Wàssermììhla -
a Wàschhüüs àn dr Vesle -
s’ Wàsserturm -
s’ Bìrgermaischteràmt un Schüal
wìchtiga Litt üss’m Dorf
[ändere | Quälltäxt bearbeite]- dr Luftfàhrtpioniar Henri Farman (1874–1958) hàt z’ Louvercy siina äärschta Flììg g’màcht. Ìm Dorf ìsch a Schtrooss noh-n-em g’nännt.[13]
- dr Pflànzaforscher Jules Rémy (1825–1893) ìsch z’ Louvercy g’schtoorwa. Ìm Dorf ìsch a Schtrooss noh-n-em g’nännt.[14]
Lüag àui
[ändere | Quälltäxt bearbeite]Weblìnks
[ändere | Quälltäxt bearbeite]
Commons: Livry-Louvercy – Sammlig vo Multimediadateie- Offiziälla Websitta vu dr Gmaindaverwàltung (frànzeesch)
- Schtàtistik ìwwer d’ Gmainda Livry-Louvercy biim INSEE (frànzeesch)
Ainzelnoohwiisa
[ändere | Quälltäxt bearbeite]- ↑ 1,0 1,1 1,2 1,3 1,4 Histoire d’une fusion. Gmaindaverwàltung Livry-Louvercy, archiviert vom Original am 6. Mai 2024; abgruefen am 6. Mai 2024 (französisch).
- ↑ 2,0 2,1 Auguste Longnon: Dictionnaire topographique du département de la Marne. (französisch).
- ↑ Dia Informàzioona sìnn üss’m Àrtìkel Livry-Louvercy ìn dr hoochdiitscha Wikipedia ìwwernumma worra.
- ↑ groupe sculpté : la Charité de saint Martin ìn dr Base Palissy vum frànzeescha Kültüürminìschterium (frànzeesch)
- ↑ Ronde-bosse : Saint évêque ìn dr Base Palissy vum frànzeescha Kültüürminìschterium (frànzeesch)
- ↑ Statue : Saint Remi ìn dr Base Palissy vum frànzeescha Kültüürminìschterium (frànzeesch)
- ↑ Siméon Barbier: Mouvemnt à Livry-Louvercy, Louvercy. In: Les monuments aux morts : France – Belgique, autres pays. Üniwärsiteet Lille, 14. August 2015, abgruefen am 6. Mai 2024 (französisch).
- ↑ Les betteraviers flamands. Gmaindaverwàltung Livry-Louvercy, archiviert vom Original am 29. September 2023; abgruefen am 6. Mai 2024 (französisch).
- ↑ Jessica Patey: Le village de Livry-Louvercy rend hommage aux betteraviers belges. In: L’Union. 11. Juni 2022, abgruefen am 6. Mai 2024 (französisch).
- ↑ Siméon Barbier: Monument aux morts à Livry-Louvercy, Livry. In: Les monument aux morts : France – Belgique – autres pays. Üniwärsiteet Lille, 14. August 2015, abgruefen am 6. Mai 2024 (französisch).
- ↑ Lavoirs de la Marne (51) : Livry-Louvercy. In: lavoirs.org. Archiviert vom Original am 6. Mai 2024; abgruefen am 6. Mai 2024 (französisch).
- ↑ Bintou Sidibe: Villes et Villages Fleuris de la Marne : le palmarès dévoilé. France 3 Grand Est, 4. August 2017, archiviert vom Original am 19. September 2021; abgruefen am 6. Mai 2024 (französisch): „Aubérive, Dampierre-sur-Moivre, Livry-Louvercy et Ventelay décrochent leur première fleur.“
- ↑ Henri Farman, gentleman avionneur. Gmaindaverwàltung Livry-Louvercy, archiviert vom Original am 29. September 2023; abgruefen am 6. Mai 2024 (französisch).
- ↑ La rue Jules Remy. Gmaindaverwàltung Livry-Louvercy, archiviert vom Original am 29. September 2023; abgruefen am 6. Mai 2024 (französisch).