Lischte vo de schwärschten Unfäll i der Luftfahrt
Dä Artikel beinhaltet e Uflischtig wo gmässe a der Azahl vo de Todesopfer di schwärsche Flugunfäll u Kataschtropfene i der Gschicht vo der Luftfahrt gälte.
Di zäh schwärschte Kataschtrophe i der Luftfahrt
[ändere | Quälltäxt bearbeite]| Rang | Datum | Ereignis bzw. Flugnummere | Azahl Todesopfer | Beschrybig |
|---|---|---|---|---|
| 1 | 11. Septämber 2001 | Terroraschläge i der USA | 3018 | Sälbstmordattetäter hei d Flugzüüg vo de Flüg American-Airlinses-Flug 11 u United-Airlines-Flug 175 entfüehrt u hei beide Maschine vom Typ Boeing 767-200 isch i d Türm vom Word Trade Center gfloge. Rund 70 Minute nach em erschte Aschlag isch wyteri Maschine vom Typ Boeing 757-200 vo de Americen Airleins (Americen-Airlines-Flug 77) i ds Pentagon gfloge. E wyteri Boeing 757 (United-Airlins-Flug 93) isch i der nechi vo Pittsburgh i nes Fäld gstürzt. Bim Aschlag sy 265 Passagier vo de vier Maschine wo wie vermuetlech 2753 Persone am Bode gstorbe. |
| 2 | 27. März 1977 | Flugzüügkatastrophe vo Teneriffa | 583 | Uf der Startbahn vom Flughafe Los Rodeos isch e startendi Boeing 747-200 vo der KLM mit ere Boeing 747-100 vo der Pan Americen World Airways zämme gstosse. Di beschädigti KLM-Maschnine isch nach der Kollision uf d Startbahn gstürzt. Beidi Maschnine sy völlig usblönnt. |
| 3 | 12. Ouguscht 1985 | Japan-Air-Lines-Flug 123 | 520 | Nach em Totalusfall vo allne vier hydraulische Syschtem isch e nümm stüürbari Boeing 747-100 vo der Japan Air Lines i ne Bärghang gfloge. Der Unfall isch dür ne Bruch vom hindere Druckschott wäg em ne Montagefähler verursacht worde. Wäg em Bruch vom Druckschott het's e Druckabfall gä u derby sy Teili vom Syteleidwärch abgrissen u die dert verloufende Hydraulikleitige kappt worde. Der Unfall isch ds bislang schwärsche Flugunglück mit nur eire einzige verunglückte Maschine. |
| 4 | 12. Novämber 1996 | Flugzüügkollision vo Charkhi Dadri | 349 | E z Neu-Delhi gstarteti Boeing 747-100 vo der Saudi Arabian Airlines u e Iljuschin II-76 vo der Air Kazakhstan kollidiere i der Luft, nach däm di kasachischi Maschine ihri zuegwiiseni Flughöchi verlah het. |
| 5 | 3. März 1974 | Turkish-Airlines-Flug 981 | 346 | E McDonnell Douglas DC-10-10 vo der Turkish Airlines het churz nach em Start vom Flughafe Paris-Orly di hinderi Frachttür verlohre. Der plötzliechi Druckabfall het derzue gfüehrt das der Kabinebode ybrochen isch u zum teil di dert verloufende elektrische Leitige sowi d Stüürseili zerstört het. Wäg dere Beschädigung isch ds Flugzüüg unkontroliert in e Wald gfloge. |
| 6 | 23. Juni 1985 | Air-India-Flug 182 | 329 | E Boeing 747-200 vo z Montreal gstartet isch, isch uf em Flug zum Flughafe London-Heathrow nach ere Bombenexplosion vor der iranische Küschte i Atlantik gstürzt. |
| 7 | 19. Ouguscht 1980 | Saudia-Flug 163 | 301 | Im Frachtruum von ere Lockheed L-1011-200 TriStar isch es Füür usbruche wo uf ds Passagierdeck übergriffe het. Nach ere erfolgryche Notlandig uf em Flughafe Riad isch ds Flugzüüg nid evakuiert worde. Alli 301 Passagier an Bord sy a Suurstoffmangel u Rochvergiftig gstorbe. |
| 8 | 8. Januar 1996 | Flugzüügkataschtrophe vo Kinshasa | vermutlich 299 | E überladeni Antonow An-32 vo der Moscow Airways, wo vo Tochterundernäbe Scibe Artlift isch ygsetzt worde, isch nach emne Fählstart i ne Märitplatz gfahre. Mindischtens 297 Märitbsuecher sowi 2 Bsatzigsmitgliider sy derby ums Läbe cho. |
| 9 | 17. Juli 2014 | Malaysia-Airlines-Flug 17 | 298 | E Boeing 777-200ER isch uf em Flug vo Amschterdam nach Kuala Lumpur über der Ukraine abgstürzt, will diräkt näb em lingge Cockpitfänschter e Buk M1-Flugabwehrragete explodiert isch. Di holändischi Ermittligskommistion wo der Abschuss undersuecht het, hei nie usegfund wär d Ragete abgschosse het. Lediglich ds Gebiet hei si chönne ygränze. |
| 10 | 3. Juli 1988 | Iran-Air-Flug 655 | 290 | E Airbus A300B2-203 isch uf em Flug vo Teheran nach Dubai nach ere Zwüschelandig z Bandar Abbas dür ds US-amerikanische Chriegsschiff der USS Vincennes (CG-49) abgschosse worde. |
Lueg ou
[ändere | Quälltäxt bearbeite]Weblinks
[ändere | Quälltäxt bearbeite]
| nach Zyt |
| ||||
| nach Luftfahrzüüg |
| ||||
| nach Ereignis |
|