Flugkataschtrophe vo Teneriffa

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Flugkataschtrophe vo Teneriffa
Tenerife-airport-disaster-impact-still.png

D KLM rasst i d Pan Am inne. E Grafik vom SafetyCard

Unfall-Zusammenfassung
Uufallart Zämmestoss am Bode
Ort SpanienSpanien Flughafe Teneriffa "Los Rodeos"
Datum 27. März 1977
Todesopfer 583
Verletzti 61
1. Luftfahrzüüg
Luftfahrzüügtyp Boeing 747-121
Betriiber Pan American World Airways
Kännzeiche N736PA
Flugnummere PA1736
Abflughafe Vereinigte StaatenVereinigte Staaten Internationale Flughafe Los Angeles
1. Zwüschelandig Vereinigte StaatenVereinigte Staaten John F. Kennedy International Airport
2. Zwüschelandig SpanienSpanien Flughafe Teneriffa "Los Rodeos" (Unplanmässig)
Zilflughafe SpanienSpanien Flughafe Gran Ganaria
Passagier 380
Besatzig 16
Lüt, wo überläbt hän 61
2. Luftfahrzüüg
Luftfahrzüügtyp Boeing 747-206B
Betriiber KLM Royal Dutch Airlines
Kännzeiche PH-BUF
Flugnummere KL4805
Abflughafe NiederlandeNiederlande Flughafe Amsterdam Schiphol
Zwüschelandig SpanienSpanien Flughafe Teneriffa "Los Rodeos" (Unplanmässig)
Zilflughafe SpanienSpanien Flughafe Gran Ganaria
Passagier 234
Besatzig 14
Lüt, wo überläbt hän 0

D Flugkataschtrophe vo Teneriffa vom 27. März 1977 isch (mit Uusnahm vom Terroraschlag ufs World Trade Center z New York am 11. Sept. 2001 won absichtlich herbiigfüehrte worden isch) die schwärschti Flugkataschtrophe, wo wältwiit jemals passiert isch. 607 Mensche sii bi dere Kollision vo zwöine Jumbo-Jets uff der Schtartbahn vom Flughafe vo dere spanische Ferieninsel ums Läbe choo.

Der Unfall[ändere | Quälltäxt bearbeite]

Der Flughafe isch am Unglückstag wägen ere Bombedrohig hoffnigslos überlaschtet gsii, d Flugzüüg wo hei welle schtarte, hei sich regelrächt gschtaut, und d Verschpötige und Warteziite sind entschprächend gross gsii. Die beide Jumbos vo der holländische KLM und der Pan Am uus de USA sind denn grad nachenand a d Reihe choo zum Schtarte. Der KLM-Jumbo voruus isch denn bereit gschtande zum Schtarte, und der Pan Am isch uff ere Siite-Rollbahn, wo d Schtartbahn gchrüüzt hett, am Rolle gsii. Uffgrund vo Missverschtändnis bim Funkverchehr mit em Fluglotse im Kontrollturm (wo schlächt Englisch gredt hät), und wahrschiinlech au wirtschaftlechem Druck, isch der KLM-Pilot gschtartet, obwohl er nitt 100-prozäntig sicher gsii isch, dass er d Freigab derzue übercho hett. Er hett denn dr Pan Am-Jumbo, wo grad glichziitig d Schtartbahn chrüüzd hät, voll siitlich grammt - s Desaschter isch perfekt gsii.

Di einzigi KLM überläbendi[ändere | Quälltäxt bearbeite]

Der Fründ vo der KLM Passagieri het denn z Teneriffa gwohnt. Si het drum mehrmals d Flugbegleiter gfragt, öp si nid z Teneriffa chönn blybe. Die frag het nid nur die Passagieri gstellt. Es isch so gsi das es einigi Passagier an Bord vo der KLM gha het, wo uf Teneriffa hei welle. Si hei's für unsinnig gfunde, vo Teneriffa nach Gran Ganaria z flüüge um wider nach Teneriffa z cho. Doch d Flugbegleiter hei sowohl die einzigi überläbendi vo der KLM Maschine als ou di andere Passagier agwisse wider zrügg a Bord z gah. Doch d Frou, wo der Fründ z Teneriffa het gha, het der Flughafe eigemächtig verlah. Das eigemächtige Handle, het ihre schlussäntlech ds Läbe grettet.[1]

Literatur[ändere | Quälltäxt bearbeite]

  • Gondrom-Verlag (Hrsg.): Flugzeug-Katastrophen, 1996

Weblinks[ändere | Quälltäxt bearbeite]

 Commons: Flugkataschtrophe vo Teneriffa – Sammlig vo Multimediadateie

Quelle[ändere | Quälltäxt bearbeite]

  1. Wie kam es zum Jumbo-Crash auf Teneriffa? ZDF-Dokumentation über eine grosse Katastrophe der zivilen Luftfahrt. Beschrybig zum Film veröffendlecht am 4. Ouguscht 2006 uf presseportal.de.