Atlantik

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Kart vum Atlantische Ozean
Dialäkt: Vorarlbärgisch

Da Atlantik bzw. Atlantische Ozean (Große Teich) bedeckt mit 106,57 Mio. km² Fläche eppa 20% vo da Erdoberfläche und isch noch m Pazifik da zwoatgröschte Ozean vo da Erde. Da Atlantische Ozean isch salziger als da Pazifik.


Geografii[ändere | Quälltäxt bearbeite]

Da Atlantik liegt bis uf a paar klene Zipfile hauptsächlich in da weschtlicha Hemisphäre vo da Erde, zwüschat da Arktis im Norda, Europa im Nordoschta, Afrika im Südoschta, da Antarktis im Süda, Südamerika im Südweschta und Nordamerika im Nordweschta. Im Norda grenzt er as Nordpolarmeer, im Süda as Südpolarmeer.

Data[ändere | Quälltäxt bearbeite]

Ohne Nebenmeere, wia zum Biischpiel Karibik, Mittelmeer und Nordsee hot da Atlantik statt 106,57 Mio. km² "bloß" no 83,4 Mio. km². Siins Wassa hot insgesamt a Voluma von 354,7 Mio. km³ (bzw. 323,6 Mio. km³). A siina tiefschta Stell gohts 9.219 m unta d Meeresobafläche, im Durchschnitt isch da Atlantik ca 3.926 m (bzw. 3.332 m) tief.

Nama[ändere | Quälltäxt bearbeite]

Da Nama Atlanitscha Ozean kummt us da griechischa Mythologie und hoasst eigentlich Meer vom Atlas. Da Atlas isch an Titan und treet da Sage noch s Himmelsgwölb us siina Schultra.


Meeresboda[ändere | Quälltäxt bearbeite]

Innahalb vom Atlantik gits am Boda an hoha, langgschtreckta mittelozeanischa Rucka, viila niidrigere Schwella, a Tiefseebecka und vaschiidene Meerestiafana.

Da Mittelatlantische Rucka züht se eppa in da Mitte vom Atlantik vo Nord ge Süd da Länge noch durch. Er isch plattatektonisch a divergierende Plattagrenze, wo dauand Magma ustritt und s Meer bröata wird und d Kontinente usanand schiabt. S Milwaukeetief im Puerto-Rico-Graba, anara Tiefseerinne, isch mit 9.219 m unter Null die tiefschte Stell im Atlantik. Da Atlantik wird itoalt in Nord-, Zentral- und Südatlantik. S Alter vom Tiafseeboda nimmt vom mittelatlantische Rucka hin zue de Kontinentalabhäng zue.

Neabameere[ändere | Quälltäxt bearbeite]

Neabameere vom Atlantik sin:

Insla[ändere | Quälltäxt bearbeite]

A paar vo da gröschta Insla vo da Wealt liigend im Atlantik: Grönland, Island, Grossbritannie, Irland und Neufundland. Zu da atlantischa Inslgruppana, Archipel, ghörend d Kanare, d Azore, d Bahamas, d Antille, d Kap Verde Insla und d Falklandinsla (span. Malvinas). Klenere, isolierte Insla sin Madeira, Ascension, St. Helena und Tristan da Cunha.

Literatur[ändere | Quälltäxt bearbeite]

 Allmänd (Commons): Atlantischer Ozean – Sammlig vo witere Multimediadateie
  • Holger Afflerbach (2001): Das entfesselte Meer. Die Geschichte des Atlantik, ISBN 3-492-23989-7