Linda Teuteberg

Us der alemannische Wikipedia, der freie Dialäkt-Enzyklopedy
d Linda Teuteberg (2018)

D Linda Teuteberg (* 22. April 1981 as Linda Merschin z Königs Wusterhausen) isch e dytschi Räächtsaawälti un Bolitikeri (FDP). Syter anne 2017 isch si Mitgliid vum Dytsche Bundesdaag, Obfrau vu dr FDP-Frakzioon im Innenuusschuss un däre ire migrazioonsbolitischi Sprächeri. Dervoor het d Teuteberg vu 2009 bis 2014 as Abgoordneti em brandeburgische Landdaag aagheert. Si isch syter 2011 gweelt Mitgliid im FDP-Bundesvoorstand un syt em 26. April 2019 FDP-Generaalsekreteeri.[1] Derzue isch si syt em 30. November 2019 Vorsitzeri vu dr FDP Brandeburg.

Uusbildig un Beruef[ändere | Quälltäxt bearbeite]

D Linda Teuteberg isch z Görsdorf bi Storkow as Doochter vun ere Leereri un eme Inschenieer ufgwagse. Ire Abituur het si am Kadoolische Gimnasium Bernhardinum z Fürstenwalde/Spree gmacht.

An dr Universiteet Potsdam het d Teuteberg as Stipendiaati vu dr Studiestiftig vum dytsche Volk Räächtswisseschaft un Volkswiirtschaft studiert un mit em Eerschte Juristische Staatsexaame abgschlosse. In dr Zt vum Studium un au no dernoo het si an dr Leerstiel fir Effetli Räächt un Stroofträächt vu dr Universiteet Potsdam gschafft. Fir e räächtsfilosoofisch Aarbet zue dr Themaatik „Gräächt Styyrsischteem“ isch si 2003 mit em eerschte Bryys bim Studierendewettbewäärb vum Bundesinneminischterium in dr Kategory Wisseschaftligi Uusarbaitig un mit em Wilhelm-von-Humboldt-Bryys vu dr Vereinigung zur Förderung der Rechtsphilosophie e. V. z Potsdam geert.[2]

D Teuteberg het s Referendariaat bim Chammergriicht absolviert[3] un het 2013 s Assessorexaamen abglait.[4] Si het im Bundesminischterium fir Bildig un Foorschig gschafft[5] un isch as Räächtsaawälti zuegloo.[6]

Bolitik[ändere | Quälltäxt bearbeite]

Bartei[ändere | Quälltäxt bearbeite]

D Linda Teuteberg isch anne 1998 in di Junge Liberale yydrätte un 2000 in d FDP.

Si isch Spitzekandidaati vu dr Junge Liberale Brandeburg zue dr Landdaagswaal 2009 un Landdaagskandidaati vu dr FDP Brandeburg (Blatz 2 vu dr Landeslischt) im Wahlchrais Potsdam I gsii. Si isch Prässesprächeri vum Landesvoorstand vu dr Junge Liberale Brandeburg gsii un Mitgliid im Bundesvoostand. Vu 2009 bis 2013 isch si Mitgliid vum Landesvoorstand vu dr FDP Brandeburg gsii, zletscht as stellverdrättendi Voorsitzeri. Iri Fachbiet sin d Oornigs- un Finanzbolitik un au d Inne- un Räächtsbolitik.

D Teuteberg isch syter 2011 Mitgliid vum Bundesvorstand vu dr FDP. Iri Wiiderwaal dur dr Bundesbarteidaag im Meerz 2013 isch in dr brandebuurgische FDP kritisiert woore. wel si d Teuteberg ooni Votum vum Landesverband zur Wahl gstellt ghaa het un vum Vorsitzer vu dr FDP-Frakzioon im Schleswig-Holsteinische Landdaag Wolfgang Kubicki vorgschlaa wooren isch. D Landesbartei het fir die Posizioon dr Brandebuurger Frakzioonsschef Andreas Büttner vorgsääne ghaa, wu mit eme Stimmenaadail vu 23,56 bzw. 20,52 % in zwee Waalgäng uf em Bundesbarteidaag dr Yyzuug in s Gremium verbasst het.[7]

Am 17. April 2019 isch si vum FDP-Vorsitzer Christian Lindner as Noofolgeri vu dr Nicola Beer fir s Amt vu dr FDP-Generalsekreteeri vorgschlaa woore. Gweelt wooren isch si derno am 26. April 2019 uf em 70. oordelige FDP-Bundesbarteidaag.

Abgoordneti[ändere | Quälltäxt bearbeite]

Landdaag (2009–2014)[ändere | Quälltäxt bearbeite]

Am 27. Septämber 2009 isch d Teuteberg iber d Landeslischt in Brandebuurger Landdaag gweelt woore. Im Waalkampf isch si u. a. vum Hans-Dietrich Genscher unterstitzt woore.[8]

Im Landdaag isch d Teuteberg Mitgliid vum Räächtsuusschuss gsii, vum Riichterwaaluusschuss un vu dr Enquete-Kummission „Aufarbeitung der Geschichte und Bewältigung von Folgen der SED-Diktatur und des Übergangs in einen demokratischen Rechtsstaat im Land Brandenburg“, derzue stellverdrättend Mitgliid vu dr Uusschiss fir Huushalt un Finanze, fir Wiirtschaft un fir Europaaagläägehaite un Entwickligsbolitik. D Teuteberg isch räächts- un meediebpolitischi Sprächeri vu d ire Frakzioon gsii.

Schwäärpinkt vu dr bolitische Aarbet vu dr Teuteberg im Landdaag sin d Ufschaffig vu dr SED-Diktatuur un d Wiiderguetmachig vum in dr DDR veruursachte Uuräächts gsii,[9] derzue isch si fir e liberaali Wiirtschaftsbolitik yydrätte.

Zue dr Landdaagswaal 2014 isch si nimi aadrätte.[10]

Bundesdaag (syt 2017)[ändere | Quälltäxt bearbeite]

d Linda Teuteberg im April 2019 im Dytsche Bundesdaag

Im Novämber 2016 isch d Linda Teuteberg uf eme Landesbarteidaag zur Spitzekandidaati vu dr brandebuurgische FDP fir d Bundesdaagswaal 2017 gweelt woore. Mit 57 Brozänt vu dr Delegiertestimme het si si geg dr Axel Graf Bülow duuregsetzt.[11] Z Brandebuurg het d FDP 7,1 % vu dr Zwootstimme iberchuu, im Waalchrais Potsdam – Potsdam-Mittelmark II – Teltow-Fläming II, wu d Teuteberg aadrätten isch, 9,2 %;[12] Bi dr Eerschtstimme het d Teuteberg 7,5 % kriegt.[13]

Im Bundesdaag isch d Teuteberg Mitgliid vum Innenuusschuss un deert Obfrau vu ire Frakzioon. Derzue isch si stellverdrättend Mitgliid vum Huushaltsuusschuss[14] un in dr FDP-Frakzioon Vorsitzeri vu dr Aarbetsgruppe Inne un Sprächeri fir Migrazioon.[15]

Privaatlääbe[ändere | Quälltäxt bearbeite]

D Teuteberg isch evangeelisch un syter 2007 ghyroote mit em Björn Teuteberg.[16]

Schrifte (Uuswaal)[ändere | Quälltäxt bearbeite]

  • Die wirtschaftliche Betätigung der Gemeinden. In: Kyrill-Alexander Schwarz u. a. (Hrsg.): Kommunalrecht. Universitäts-Verlag, Potsdam 2004, ISBN 3-937786-17-1, S. 84–108.
  • Daseinsvorsorge durch, nicht für kommunale Unternehmen? In: Landes- und Kommunalverwaltung. 2008, S. 150–154.
  • mit em Philipp Mützel: Notwendige Verbesserungen im strafrechtlichen Rehabilitierungsverfahren für Opfer des SED-Unrechts. In: Zeitschrift für Rechtspolitik 2014, S. 145–149.

Weblink[ändere | Quälltäxt bearbeite]

 Commons: Linda Teuteberg – Sammlig vo Multimediadateie

Fueßnote[ändere | Quälltäxt bearbeite]

  1. ↑ Johannes Leithäuser: Linda Teuteberg zur neuen Generalsekretärin gewählt. In: Frankfurter Allgemeine Zeitung. 26. April 2019, abgruefen am 28. April 2019.
  2. ↑ Potsdamer Universitätszeitung Dezember 2003 – Personalia (Memento vom 22. Juni 2007 im Internet Archive)
  3. ↑ linda-teuteberg.de:Homepage (Memento vom 7. Februar 2020 im Internet Archive) (abgruefen am 23. Februar 2013).
  4. ↑ Potsdamer Neueste Nachrichten, 28. Novämber 2013. Archiviert vom Original am 13. November 2017; abgruefen am 10. Februar 2020.
  5. ↑ Ulrich Thiessen: Linda Teuteberg auf Listenplatz eins. (Memento vom 29. Novämber 2019 im Internet Archive). In: Märkische Oderzeitung, Novämber 2016.
  6. ↑ Aagoobe uf dr Websyte vum Dytsche Bundesdaag (Memento vom 18. Dezämber 2018 im Internet Archive), abgruefen am 19. Jänner 2018.
  7. ↑ Liberale ließ sich in Bundesvorstand wählen. In: Märkische Allgemeine. vum 14. Meerz 2013.
  8. ↑ Potsdamer Neueste Nachrichten vum 9. Septämber 2009.
  9. ↑ Badische Zeitung vum 16. Juli 2011.
  10. ↑ Potsdamer Neueste Nachrichten vum 28. Novämber 2013.
  11. ↑ Liberale starten in den Bundestagswahlkampf. In: FDP Landesverband Brandenburg. (fdp-brandenburg.de [abgerufen am 21. November 2016]).
  12. ↑ Bundeswaallaiter: Bundestagswahl 2017 – Ergebnisse für Brandenburg (abgruefen am 25. Septämber 2017).
  13. ↑ Bundeswaallaiter: Bundestagswahl 2017 – Ergebnisse für den Wahlkreis 061 (abgruefen am 25. Septämber 2017).
  14. ↑ Aagoobe uf dr Websyte vum Dytsche Bundesdaag (Memento vom 18. Dezämber 2018 im Internet Archive) (abgruefen am 1. Februar 2018)
  15. ↑ FDP-Fraktion: Besetzung Sprecher (abgruefen am 1. Februar 2018).
  16. ↑ PNN-Serie: Potsdam vor der Bundestagswahl: Direktkandidatin Linda Teuteberg: Bestimmt liberal - Potsdam - PNN. In: pnn.de. 11. September 2017, archiviert vom Original am 27. Oktober 2018; abgruefen am 26. Oktober 2018.
Dä Artikel basiert uff ere fräie Übersetzig vu dere Version vum Artikel „Linda_Teuteberg“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Linda_Teuteberg&oldid=982571"