Lilian Studer

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
d Lilian Studer (2015)

D Lilian Studer (* 20. Dezember 1977 z Wettige, Schwiiz) isch e Schwiizer Politikerin. Am 20. Oktober 2019 isch si für di Evangelischi Volkspartei i de Nationalrot gwählt worde. Sit em 2002 isch si Grossrötin vom Aargau und sit em 2011 zudem Fraktionspräsidentin. Vo 2004 bis 2009 isch si Präsidentin vo de Junge EVP Schwiiz gsi.

Läbe[ändere | Quälltäxt bearbeite]

D Lilian Studer isch d Tochter vom Schwiizer alt-Nationalrot Heiner Studer. Si isch z Wettige ufgwachse u isch usbeldeti Lehrerin für Textils Werche. Hüt schafft sie als Gschäftsfühererin bem Blaue Chrüz Aargau/Luzern.

Sit em August 2002 isch si Grossrätin für d EVP im Aargauische Grosse Rot. Zwüsched 2011 u 2016 esch si Fraktionspräsidentin vo d EVP gsi, ab 2017 vo d EVP/BDP-Fraktion. Set de neue Legislatur em Johr 2017 esch si zudem Präsidentin vo de Kommission für Justiz. D Benevol Aargau, d Fach- und Vermittligsstell Freiwilligearbet, hätt si zwüsched 2009 und 2018 präsidiert. Be Palliative Aargau esch si em Birot. Beriche, wo si sich au politisch emmer weder starch igsetzt hätt. Ihri Schwerpünkt i de Politik sind u. a. Gsundheits-, Sozial-, Präventions-, Sicherheits- oder au Gsellschaftsfroge. Bi de Nationalrotswahle am 20. Oktober 2019 isch si für ihri Partei als Spitzekandidatin für de Nationalrat aaträte und gwählt worde. Si het dodemit de Sitz zruck zu de EVP gholt, wo ihre Vater 12 Johr vorher verlore het. Bi de Grossrotswahle am 23. Oktober 2016 isch si für e witeri Legislatur gwählt worde.[1]

Weblink[ändere | Quälltäxt bearbeite]

Fuessnote[ändere | Quälltäxt bearbeite]

  1. Gwählti Kandidatinne und Kandidate vo de Grossrotswahle 2016 uf de Website vom Kanton Aargau
Information icon.svg Dä Artikel basiert uff ere fräie Übersetzig vu dere Version vum Artikel „Lilian_Studer“ vu de dütsche Wikipedia. E Liste vu de Autore un Versione isch do z finde.