Liechtehan

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Baseldütsch

Liechtehan (offiziell hoochdütsch Liechtenhan, Lichtenhan oder Lichtenhahn) isch dr Naame von ere Familie us em Baasler Daig.

Zum erste Mol wird si 1196 as Sippe mit em Naame «Lichtenhayn» z Jüterbog (Brandeburg) erwäänt. Dr Baasler Stammvater vo dr Familie isch dr Iisehändler Ludwig Liechtehan († um 1558) gsi, wo über Leipzig uf Baasel iigwanderet und 1524 Baasler Bürger worde isch. Si Soon Isaac Liechtehan isch 1583 as Grichtsherr vom Chläibaasel in dr Grooss Root vo dr Stadt Baasel cho und si Epitaaf im Chrüzgang vom Baasler Münster isch eender usfüerlig. D Familie het zerst vom Handwärk gläbt, aber immer mee het si akademischi Brüef aagno. Schliesslig het si zum Patriziat vo dr Stadt ghöört. Wil dr Pfarrer Hans Rudolf Liechtehan (1731–1805) si Naame zu «Lichtenhahn» gänderet het, drifft mä hüte bäidi Schriibige aa. Dr Konserwator vo dr Basler Kunsthalle, dr Richard Lichtehahn, het si Naame spööter «Lichtenhan» gschriibe, die Schriibig git s hüt nüm.

Bekannti Familiemitgliider[ändere | Quälltäxt bearbeite]

  • Eduard Liechtenhan (1891–1965), e Schwizer Altfiloloog und Gümnasialleerer
  • dr François-Louis Lichtenhan het 1738 s Feuille d’Avis de Neuchâtel gründet, die eltisti Zitig uf Franzöösisch, wo no erschiint.
  • Francine-Dominique Liechtenhan (* 1956), e französischi Historikere
  • Rudolf Liechtenhan dr Elter (1875–1947), e Schwizer Pfarrer und Theoloog
  • Rudolf Liechtenhan dr Jünger (1911–2005), e Schwizer Autor, Publizist und Dramaturg
  • Fritz Lichtenhahn (* 1932), e Schwizer Schauspiiler

Weblingg[ändere | Quälltäxt bearbeite]