Lead-Stil

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Der Lead-Stil isch e Form vo dr Textgstaltig im Journalismus.

Bi de Medie wi de Zytige und Zytschrifte isch es i vilne Fäll üblech, en Bytrag i typischi Deili z glidere:

  • Titel oder Schlagzyle
  • Yleitig, «Vorspann», uf änglisch: Lead
  • Undertitel
  • Hauptdeil vom Tegscht

Dr Titel oder d Schlagzyle tuet ganz churz dr Chärn vom Bytrag zämefasse. Dr Vorspann informiert über die wäsentleche Elemänt vo dr Gschicht oder dr Noochricht, öppe d Hauptaktööre, wichtigi Oort und was gnau bassiert isch. Dr eigentlech Pricht verzellt denn je nach Form und Platz, won er tarf ha, alles was für s Thema wichtig isch. Undertitel deile bi grössere Tegscht d Hauptabschnitt y und mache usgwäälti Informazioone oder Meinige no düütlecher.

Bi dr Yleitig, also em Lead, luegt me uf die wäsentleche Bestanddeili von ere Noochricht im Informazioonswääse: Wär het öppis gmacht, wo isch was bassiert, wänn isch das gsi – und wär het’s gseit?

Literatur[ändere | Quälltäxt bearbeite]

  • Dietz Schwiesau, Josef Ohler: Nachrichten – klassisch und multimedial. Ein Handbuch für Ausbildung und Praxis. Wiesbaden 2016