Dhammapala

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dhammapala

Dhammapala (Pali: »Schützer vom Dhamma«, d.i d Lehr vom Buddha) isch e buddhistischs Chloster z Chanderstäg im Berner Oberland. Es ghört a de Thailändische Waldtradition aa, enere Richtig vom Theravada.

Gschicht[ändere | Quälltäxt bearbeite]

1979 het de Ajahn Sumedho im Uuftrag vom Ajahn Chah, emene wichtige Vertreter vo de Thailändische Waldtradition, de Uuftrag öberchoo z England e buddhistisches Chloster z gründe. Da Chloster, Cittaviveka, isch schnell aagwachse und e zwaits Chloster Amaravati isch gründet wore und zum Sitz vom Ajahn Sumedho wore. Ane 1988 sind zwee Aahänger uf d Idee choo, i de Schwiz e Chloster vo dere Tradition z gründe und hend zwee Mönch vo Amaravati iiglade imene Huus z Chonufinge bi Bern e Mönchsgmainschaft uufzbaue. Die isch guet z laufe cho und scho bald het s Huus nüme glenget und me het 1991 z Kandersteg e grössers Huus gchauft und e Chloster druus gmacht. De Abt vom Chloster isch de Ajahn Khemasiri. Im Chloster lebet e paar Mönch und Novize, mengisch au Nonne.

Gäst[ändere | Quälltäxt bearbeite]

S isch mögli as e Gast för e gwüssi Zitt im Chloster z lebe. De Gast, Mane wie Frau sind willcho, mue debi bestimmti Regle bifolge und em tägliche Tagesrhythmus tailnee und bi Arbete helfe. Em morge em halbisechsi isch Morgemeditation, denn werdet verschidnigi Arbete döregfüert. Em elfi gits z Mittag, nochem zwölfi isches nüm erlobt näbis z esse. Mengisch gits aber em füfi zum z Vieri echli Chääs oder schwarzi Schoggi. Em Oobe em halbiachti foot d Oobemeditation aa und abem zeni isch Nachtrue. De Nomitaag dient zum persönliche Üebe und Studiere vom Dhamma, de buddhistische Lehr.

S Chloster büütet au Kürs zum Meditiere aa und em Samstig gits Dhammgsprööch, da sind Vorträäg öber d Lehr vom Buddha.

Weblinks[ändere | Quälltäxt bearbeite]