Chilchhofe

Us der alemannische Wikipedia, der freie Dialäkt-Enzyklopedy
Koordinate: 47° 55′ 23″ N, 7° 44′ 33″ O
Kirchhofen (Breisgau)
Wappe vo Kirchhofen (Breisgau)
Wappe vo Kirchhofen (Breisgau)
Dialekt: Alemannisch
Hauptvariante: Hochalemannisch
Regionalvariante: Markgräflerisch
Lokalvariante: nördl. Markgräflerisch
Verbreitig: Tendenz zum Nideralemannisch
Iigmeindig: 1. Januar 1973
Regierigsbezirk: Friburg
Landchreis: Brisgau-Hochschwarzwald
Poschtleitzahl: 79238
Vorwahl: 07633
Nummereschild: FR

Chilchhofe im Brisgau isch e Ortsdeil vu dr Gmeind Ehrechilche am Südrand vum Schimbergmassiv, guet 15 km siidlich vu Friburg im Brisgau im Landchreis Brisgau-Hochschwarzwald.

Geographischi Lag[ändere | Quälltäxt bearbeite]

Chilchhofe bestoht us Chilchhofe sälber sowie ussem - wie die Inge-Namme scho sait - wohl äldere Ambrige, wo sich widerum in Ober- un Underambrige ufdeilt. Weschtlich vu Underambrige lit s'Gwerbebiet Nidermatte, wo erscht nochem Johr 2000 entstande isch.

Dr Chilchhofemer Bann isch verhältnismässig gross bestoht us drei uverbundene Deilsticker. Zum eine dr Weschtdeil mit Chilchhofe, Ambrige un allene Räbe (so au am Batzeberg), wo am Hohfirscht an dr Hohbannstei grenzt, un zwei grossi Deiler im Oschte, durch Ehrestetter Bann vunenander un vum Weschtdeil drennt, wo us Wald bestehn un im Schwarzwald liige.

Politik[ändere | Quälltäxt bearbeite]

Chilchhofe het sich am 1. Jänner 1973 mit Ehrestette zue Ehrechilche zämmegschlosse. Es het - anderscht wie die 1974 igmeindete Ortschafte Norschige, Scherzige un Offnadinge - kei eigene Ortsverwaldig.

Ehrestette un Chilchhofe werre zämme vum neje Rothus us verwaltet, wo im neje Gmeizentrum lit. Säll het mer uf d'Ortsgrenze zwische Ehrestette un Chilchhofe baut.

Obowhl middlerwil baulich anenandergwachse bestoht noch immer e grossi Rivalität zwische Ehrestette un Chilchhofe. So isch die us wirtschaftlicher Not - zwei Hageljohr hinderenander - anno 2006 erfolgt Fusion vu dr beide Winzergnosseschafte anno 2009 de facto gschiteret, wo's zum Schwur kumme isch, welli WG ner jetz schliesse sott. Säll isch dr Chilchhofemer Cheller gsi, was zue dr Kündigung vu iber 100 ha Räbe vu Chilchhofemer Winzer bi dr WG Ehrechilche gfüehrt het.

Gschicht[ändere | Quälltäxt bearbeite]

Dr erst schriftlich Hiwiis fer e Besidlig vu Chilchhofe findet mer anno 805. Dr Namme Chilchhofe wird erstmols in ere Urchunde vu anno 1087 erwähnt. Als Wallfahrtsort un Sitz vu dr Lehnsherre isch Chilchhofe im Middelalder dr Middelpunkt fer e grösseri Azahl vu umligende Ort gsi. E Reihe vu Adelsgschlechter vum Brisgau sin nochenander Lehnsherre vu dr Herrschaft Chilchhofe gsi. Währendem Drissigjährige Chrieg hän schwedischi Truppe 1638 e Grossdeil vu dr männliche Bevölchrig vu Chilchhofe un Pfaffewiler massakriert. Nooch dr mündliche Volksyberliferig sin d'Opfer (öppe 300 Männer) bi lebendigem Liib in ere Wipressi im Chilchhofer Schloss z'Dod trottet worre.

Religion[ändere | Quälltäxt bearbeite]

Chilchhofe isch au nooch dr Reformation bi Öschterich un demit katholisch bliibe, Es isch noch hit e lokal beditsame Marie-Wallfahrtsort.

Sähenswürdigkeite[ändere | Quälltäxt bearbeite]

  • Hohbannstei
  • Wasserschloss
  • Wallfahrtschilche

beditsami Lit[ändere | Quälltäxt bearbeite]

Dr Lazarus vu Schwendi isch anno 1583 in sinem Chilchhofemer Schloss gstorbe.