Chile Chiirchbärg

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
d Chile Chiirchbärg

D Chile Chiirchbärg isch e refermierte Chile im Kanton Aargau. Si stoot i dr Gmeind Chüddige.

Si chunt s erschte Mol in eren Urkunde vo anne 1036 vor; dr Name Chiirchbärg anne 1245.

Di hüttigi gootischi Chile isch öppen um 1500 bout worde, dr Haupttäil vom Turm isch no romanisch. Es het es paar schönni gmooleti Fäischter vom Felix Hoffmann i dr Chile.

Näbe dr Chile lyt dr Fridhoof vo dr Pfarräi. Uf der andere Syten isch d Chileterasse, wo im öschtlichen Egge d Nüsperli-Linde stoot. Si isch vom Jakob Nüsperli, wo afangs 19. Joorhundert dr Chiirchbärger Pfaarer gsi isch.[1] I dr Zyt afangs 20. Joorhundert, wo dr Paul Haller doo Pfaarer gsi isch, het er e Teil vo syne literarische Wäärch gschribe. Spöter het dr Aargauer Schriftsteller Hermann Burger uf Chiirchbärg gläbt.

Weblink[ändere | Quälltäxt bearbeite]

 Commons: Refermierti Chile Chiirchbärg – Sammlig vo Multimediadateie

Fuessnoote[ändere | Quälltäxt bearbeite]

  1. Ernst Zschokke: Pfarrer Jakob Nüsperli auf Kirchberg. In: Aarauer Neujahrsblätter 1927.

Koordinaten: 47° 24′ 38″ N, 8° 3′ 48″ O; CH1903: 647145 / 251281