Tschelefa

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
E Plan vo Tschelefa usem Joor 1686, vom Coronelli Vincenzo

Tschelefá (Maniotisch: Ḱελεφἀ), amtlich Kelefá (noigriech. Κελεφά; venedisch: Chielafa) isch e Festig (κάστρο, kastro) oberhalb vo Vítulo uf de Halbinsle Mani.

Tschelefa isch ufere Hööchi baut wore, öber de Liméni-Bucht. Si messt rund 150 x 250 Meter, und hett mit öppe 15 Tuusig Quadrootmeter Platz för e Bsatzig vo 500 Maa botte. Di hööche Muure vo de Festig mit de drai Bastioone im Süüdweste sind no guet erhalte.

Gschicht[ändere | Quälltäxt bearbeite]

D Festig isch ane 1670 vom Kuesy Ali Pascha baut wore, im Uuftraag vom türkische Groosswesir Küprülü. Di törkischi Bsatzig het e starche Drugg uf di Iihaimisch uusgübet, so as 1671 guet tuusig Biwonner vo Vitolo uf Korsika uusgwanderet sind under de Füerig vo de beede Familene Stefnópuli und Jatráni.

1685 hend Biwonner vo Vitulo Tschelafa bilageret und wo glii drufabe e venezischi Flotte underem Bifeel vom Francesco Morosini i d Liméni-Bucht iigloffe isch, hend sich Törgge ergee und Tchelefa isch zo de Republik Venedig cho. Zwoor hend Törgge e Joor druff versuecht Tschelefa zruggzerobere, aber ooni Erfolg.

Denn im Joor 1715 isches a de Törgge glunge Tschelefa ooni Widerstand iznee. Um 1780 hend d Törgge d Festigg uufgee.