Kategorie Diskussion:Jura

Wär s nit besser, die Kategory uf Kategorie:Jura (Gebirge) (wie uf dr dewiki) z verschiebe? S git jo au no dr glychnamig Kanton, s glychnamig Ärdzytalter un dr glychnamig Uusdruck fir d Rächtwisseschafte. --Holder (Diskussion) 19:55, 18. Apr. 2018 (MESZ)

Us dr alemannische Sicht bedüütet «Jura» zerscht eifach mol dä Bärg, wo vo Frankrych über d Nordweschtschwiiz bis uf Süddütschland goot. Die meischte andere Begriff sind do dervo abgleitet, öbbe au no dr Schwöbisch Jura odr d Apperaatefabrigg Jura. Für d Hauptkategorie basst drum Kategorie:Jura ganz guet, so wie’s au d Kategorie:Alpe gitt und d Kategorie:Schwarzwald usw. — Für d Rächtswüsseschaft isch scho d Kategorie Rächt etabliert, Jura bruuchts dört sowiso nümme. – Was d dewiki macht, isch do weniger wichtig. --Ark001 (Diskussion) 13:41, 19. Apr. 2018 (MESZ)

Hm – aber «Jura» isch würkli meedüütig; «Alpe» und «Schwarzwald» sind degägen äidüütig. Vilicht wëër em Holder syn Voorschlaag doch nöd eso schlächt? Aber wie au immer, ich wott em Autoor nöd dryrede… --Freiguet (Diskussion) 18:11, 19. Apr. 2018 (MESZ)