Kategorie Diskussion:Glaube

I wür vorschloo, as mer bi däre Kategorii en Text oben ine stellt, wo erchlärt, was do söll kategorisiert wärde und was besser i d Kategorii Religion ine ghört. Bis jetzt isch «Glaube», «Aberglauben» und «Blasphemie» dine gsii (neu hani jetzt no Chraftort ine tue – da wör worschindli weniger under Religion falle?). Han chli müe, as jetzt au no d Bible und s Evangelium ine söll. Dänn mössted jo au de Koran und anderi religiösi Schrifte do ine. Die ghöred aber vo mir us klar i d Kategorii vo de entsprächende Religion. Übrigens händ Atheismus oder Mythologii jo au öpis mit Glaube z tue – Fantasy und Sage irgendwie au. Gruess --Schofför (Diskussion) 20:43, 21. Jul. 2016 (MESZ)[Antwort gee]

Do stimi zue. E Bible oder s Evangelium elai het no nünt mit Globe z tue. I cha die Büecher lese und wösseschaftlich analysiere ooni asi an Inhalt (oder Taili dodefoo) dra globe mue bzw. religiöös oder Christ sii mue. De Bigriff Globe isch echli gäär schwammig und cha fast jede Lebesbiriich treffe, nöd nu Religioo sondern au z.B. Politik (Abtriibig z.B. isch politisch brisant und hüüffig religiöös - aber nöd nume - bistimmt) und bsunders au d Regebogepress, wos mit der Realität nöd ase gnau ninnt und vili Lütt globet ono wa do gschribe stoot. S gitt nöd ooni Grund i de tütsche Wikipedia kai Kategorie:Glaube. --al-Qamar (Diskussion) 09:53, 22. Jul. 2016 (MESZ) De Artikel Chraftort müesst woll eender under Esoterik schubladisiert were.[Antwort gee]

I probier emol näbis z schriibe. De Artikel Chraftort hani nomol andersch kategorisiert und hoff as es esoo passt. Gruess --Schofför (Diskussion) 12:11, 22. Jul. 2016 (MESZ)[Antwort gee]