Jutta Niemann
| Dialäkt: Undermarkgreflerisch |
D Jutta Niemann (* 23. Augschte 1970 z Bochum) isch e dytschi Bolitikeri (Bindnis 90/Di Griene) un syt 2016 Mitglid vum Landdag vu Bade-Wirttebärg.
Lääbe[ändere | Quälltäxt bearbeite]
D Niemann isch z Bochum uf d Wält chuu un z Bamberg un z Münster ufgwachse, wu si au uf d Voksschuel gange isch. Z Münster-Hiltrup isch so derno uf s Ginnasium gange, wu si 1989 s Abitur gmacht het. No dr Schuel het si vu 1989 bis 1997 z Münster un z Fryburg Physik studiert. Annw 1997 het si as Wissenschaftligi Hilfschraft am Inschtitut fir Sunnepyhsik z Fryburg gschafft un derno vu 1997 bis 2000 e Färnstudium in Mediziniischer Physik aagschlosse. Vu 2006 bis 2009 het si as Dozänti an dr Volkshochschuel z Hal unterrichtet un vu 2008 bis 2009 as Lehreri z Michelbach.
D Niemann isch ghyrote un het drei Chinder. In dr Johr 2000 bis 2006 un 2009 bis 2016 isch si in Elterezyt gsii.
Bolitik[ändere | Quälltäxt bearbeite]
D Jutta Niemann isch syt em 15. Septämber 2004 Stadtreeti z Hall. Syt 2007 isch si Mitglid im Chraisvorstand vu dr Haller Griene, syt 2013 as Vorsitzeri. Syt 2014 hockt si au fir ihri Bartei im Haller Chraisdag.
Bi dr Landdagswahl z Bade-Wirttebärg 2016 het si s Erschtmandat im Wahlchrais 22 Hall gwunne.
Im Landdag isch si Mitglid im Uusschuss fir Umwält, Klima un Energywirtschaft, im Uusschuss fir Sozials un Integration un im Uusschuss fir Verchehr. Derzue isch si stellverdrättend Mitglid im Uusschuss fir Inners, Digitalisierig un Migration, im Uusschuss fir Finanze, im Uusschuss fir Kultus, Juged un Sport, im Uusschuss fir Wirtschaft, Arbet un Wohnigsböu, im Uusschuss fir Ländlige Ruum un Verbruucherschutz un im Petitionsuusschuss.
Suschtigs Engaschmänt[ändere | Quälltäxt bearbeite]
- Mitglid im Ufsichtsrot vu dr Stadtwerke Schwäbisch Hall GmbH
- Mitglid im Ufsichtsrot vu dr EMW Energieversorgung Mainhardt Wüstenrot GmbH & Co. KG.
- Mitglid im Bund für Umwelt und Naturschutz Deutschland (BUND) e. V.
- Mitglid im Umweltzentrum Kreis Schwäbisch Hall e. V.
- Mitglid im Allgemeinen Deutschen Fahrrad-Clubs (adfc) e. V.
- Mitglid im Hohenloher Freilandmuseum e. V.
- Mitglid im Förderverein Frauen- und Kinderschutzhaus e. V., Schwäbisch Hall.