Jurassic Park

Us der alemannische Wikipedia, der freie Dialäkt-Enzyklopedy
Filmdate
Dütsche TitelJurassic Park
OriginaltitelJurassic Park
ProduktionslandUSA
OriginalsproochEnglisch
Erschiinigsjoor1993
Lengi123 Minute
AltersfreigoobFSK 12
Stab
RegieSteven Spielberg
DräibuechMichael Crichton,
David Koepp
ProduktionKathleen Kennedy,
Gerald R. Molen
MuusigJohn Williams
KameraDean Cundey
SchnittMichael Kahn
Bsetzig
  • Richard Attenborough: John Hammond
  • Sam Neill: Dr. Alan Grant
  • Laura Dern: Dr. Ellie Sattler
  • Jeff Goldblum: Dr. Ian Malcolm
  • Bob Peck: Robert Muldoon
  • Wayne Knight: Dennis Nedry
  • Martin Ferrero: Donald Gennaro
  • Joseph Mazzello: Tim
  • Ariana Richards: Lex
  • Samuel L. Jackson: Ray Arnold
  • Bradley Darryl Wong: Dr. Henry Wu
  • Cameron Thor: Lewis Dodgson
Synchronisation

Jurassic Park [dʒʊˈɹæsɪk ˈpɑːɹk] isch e Science-Fiction- und Abentüürfilm vom Steven Spielberg us em Jahr 1993. D Handlig berueht uf em Roman DinoPark (Originaltitel: Jurassic Park) vom Michael Crichton, wo zäme mit em David Koepp au s Dräihbuech zu dem Kino-Thriller gschribe het.

Es isch dr ersti Teil vo de Jurassic-Park-Filmreihe, mit de Fortsetzige Vergessene Welt: Jurassic Park (1997), Jurassic Park III (2001), Jurassic World (2015) und Jurassic World: Das gefallene Königreich (2018).

Handlig[ändere | Quälltäxt bearbeite]

De Multimilliardär John Hammond het uf de Pazifik-Insle Isla Nublar vor Costa Rica mit Hilf vo de modärnste Gentechnologie e Friiziitpark uftah – mit läbige Dinosaurier und andere paläontologische Sensatione. Bim Transport vomene Velociraptor chunnts zumen Unfall, bi dem en Arbeiter tötet wird. D Investoren wärded drufabe nervös und fordered en Überprüfig vom Park.

Daher ladet de Hammond und de Donald Gennaro, dr Aawalt vo syne Investore, e Gruppe vo Spezialiste yy, um sich d Sicherheit vom Park beschynige z lah. De Hammond überzüügt de Paläontolog Dr. Alan Grant und dem syni Fründin und Kollegin, d Paläobotanikeri Dr. Ellie Sattler, sym Wunsch nachzcho, indem er ine im Gägezug zuesicheret, iri Usgrabige drü Jahr lang z finanziere. De Gennaro überzüügt zuedem de Chaostheoretiker Dr. Ian Malcolm, zu dere Beguetachtig mitzcho.

Zytglych wird de Dennis Nedry, de unzfridni Computerprogrammierer vom Park, vom Lewis Dodgson, eme Unterhändler vom Hammond sym Konkurrent Biosyn aagworbe, für 1,5 Millione US-Dollar Dinosaurier-Embryos vo de Firma InGen, wo em Hammond ghört, z stäle.

Die vom Hammond uf d Insle gholte Spezialiste sind nach ere erste Besichtigung vom Park über de Yygriff i d Natur zueglych fasziniert und besorgt. Bi de nachmittägliche Füehrig mit elektrische Fahrzüüg und i Begleitig vom Hammond syne Änkel Lex und Tim entdeckt de Dr. Grant e chranke Dinosaurier. D Sattler entscheidet sich, em Tierarzt Harding z hälfe und spöter zäme mit em Tierarzt wider i s Bsuecherzäntrum z fahre, währed di übrige Bsuecher iri Tour fortsetzed. Es chündigt sich aber e Tropesturm über de Insle aa, so dass d Füehrig abbroche wird und d Fahrzüüg zrugg i Richtig Bsuecherzäntrum fahred.

Demit de Nedry sy Plan, d Embryos us em Park zum Hafe vo de Insle z schaffe, umsetze cha, bevor d Insle wägem Sturm evakuiert wird, setzt er churzzytig fast s ganze Sicherheitssystem usser Betriib und verlaht de Kommandoruum. So chunnt Stromusfall und die elektrisch betribne Fahrzüüg falled under anderem uus. D Bsuecher sitzed bi aabrächender Dunkelheit vor em Gheeg vom Tyrannosaurus rex (T-rex) fest.

Wil au d Schutzzüün nümme under Spannig stönd, cha de T-rex us sym Gheeg usbräche. Er gryft di stahblibene Fahrzüüg und d Insasse aa. De Aawalt Gennaro versteckt sich i panischer Angst imene WC-Hüsli, woner wenig spöter vom T-rex gfrässe wird. Em Grant glingts, d Chind vor em Saurier z rette und mit ine z Fuess z flüchte. De Malcolm blybt schwär verletzt zrugg.

D Sattler, wo sich inzwüsche wider im Bsuecherzäntrum befindet, begitt sich mit em Robert Muldoon, em Wildhüeter vom Parks, im Jeep uf d Suechi nach de vermisste Persone. Si entdecked de verletzti Malcolm und chönd en im Jeep, verfolgt vom T-rex, i Sicherheit bringe. De Nedry aber chund underdesse mit de gstohlene Embryos uf de Fahrt zum Hafe im Gwittersturm vo de Strass ab und staht eme Dilophosaurus gägenüber, wo ne aaspeuzt und so umbringt.

Im Kommandoruum wird de Verantwortliche klar, dass de Nedry nid zruggcho wird. Wil de Chefingenieur Ray Arnold s Passwort vom Computer vom Nedrys nid kännt, beschliessed de Hammond und de Arnold, de Strom ganz abzstelle, um denaa s gsamte System wider uufzstarte. Nach em Nüüstart muss aber de Hauptschalter im Wartigsbunker vo Hand wider yygschaltet wärde. De Arnold verlaht zu dem Zwäck s Hauptgebäude. De Hammond bestaht druuf, dass alli im Bunker vom Hauptgebäude Schutz sueched. Wo de Arnold nid zruggchehrt, gönd de Muldoon und d Sattler zu dem Bunker mit em Hauptschalter. De Hammond verblybt mit em Malcolm im Bunker vom Hauptgebäude. Dur s Abstelle vo de Stromversorgig hend au d Velociraptore us irem Gheeg usbräche, obwohl de Nedry dere ire Schutzzuun als einzige nid abgschalte het. Währed de Muldoon probiert, vor em Wartigsbunker d Reptilie abzlänke, gelingts de Sattler, is Gebäude ine z gah und det d Stromversorgig wider yyzschalte.

Zytglych chlätteret de Grant mit de Chind uf em Wäg zum Hauptgebäude über eine vo de Elektrozüün im Park. De Grant und Lex schaffets sicher drüber, doch de Tim chund deby e Stromschlag über. Er cha vom Grant nach churzer Zyt widerbeläbt wärde. D Sattler wird von es paar Raptore aagriffe, wo, wie si feststellt, scho de Arnold tötet hend. D Sattler chund aber devoo, währed de Muldoon vo de Velociraptore yykreist und tötet wird.

De Grant und di beide Chind schaffeds schlussändlich au zrugg zum Hauptgebäude. Det träffed sie niemert aa dort niemanden antreffen, nume verusse gseht de Grant di ganz verängstigti Sattler. Glychzytig wärded di zruggglahne Chind vo zwei Raptore bedroht und verfolgt. Sie flüchted i d Restaurantchuchi, vo wo us es ne glingt, de Raptore z entcho. De Grant, d Sattler und d Chind begönd sich i Kommandoruum. Det cha d Lex d Sicherheitssystem wider ufefahre. So cha s Yydringe vomene Raptor i Kommandoruum verhinderet wärde. De Grant ch de Hammond am Telefon benachrichtige, wo drufabe e Heli für de Rückflug zum Festland aaforderet. De Raptore glingts aber gliich no i Kommandoruum inezcho, sodass d Insasse eis Mal meh fliehe müend. Uf em Fluchtwäg nach use wird d Gruppe vo zwei Velociraptore abgfange und yykreist. Eine vo de Raptore wott uf d Gruppe losspringe und wird deby vom Tyrannosaurus aagriffe. Dr anderi Raptor gaht synersyts uf de T-rex los. Wil d Saurier im Kampfgetümmel mit sich sälber beschäftigt sind, chönd de Grant, d Sattler, d Lex und de Tim is Auto vor em Yygang flüchte. Det warted au de Hammond und de verletzti Malcolm uf si. Zäme fahreds zu de Heliplattform und flüüged mit em Helikopter vo de Insle wäg.

Literatur[ändere | Quälltäxt bearbeite]

  • Rob DeSalle, David Lindley: The Science of Jurassic Park and The Lost World. Or How to Build a Dinosaur. HarperCollins Publishers, New York 1997.
  • Don Shay, Jody Duncan: Jurassic Park. Wie aus dem Bestseller DinoPark der Kinoerfolg von Steven Spielberg wurde. Droemer Knaur, München 1993, ISBN 3-426-26713-6.

Weblink[ändere | Quälltäxt bearbeite]

Einzelnachwys[ändere | Quälltäxt bearbeite]


Dä Artikel basiert uff ere fräie Übersetzig vum Artikel „Jurassic_Park“ vu de dütsche Wikipedia. E Liste vu de Autore un Versione isch do z finde.