Judith di Elter

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D Judith di Elter ( † 1091 z Salerno) isch d Frau vum Markgrof Hermann I. vu Verona gsi, em Begrinder vu dr Linie vu dr Markgrofe vu Bade.

Vu dr Judith chännt mer nume dr Vornamme, e Yyreihig in eini vu dr sidweschtdytsche Adelsfamilie isch nonig glunge. Dr Vornamme Judith chennt in d Familie vu dr Welfe wyyse. Di Vermuetig, wu vu dr eltere Forschig ufgstellt woren isch, ass si ne Dochter vun eme Grof vu Calp gsi isch, isch no dr nejere Forschig widerleit.

Wu ihre Mann no syyne Erfahrige im Burgerchrieg im Investiturstryt, wu di schwebische Stammland vu dr Zähringer verwieschtet gha het, sich anne 1073 ins Chloschter Cluny zruckzoge gha het, het au si sich vum wältlige Läbe zruckzoge, het e große Deil vu ihrem Erb em Chloschter Hirsau gschänkt un isch speter uf Salerno gange zum Papscht Urban II., wu si anne 1091 gstorben isch.

D Judith wird in dr eltere Literatur als mit dr Judith vu Bagene glyychgsetzt, was aber no dr nejere Forschig nit zuedrifft.

Us dr Eh mit em Hermann vu Verona sin die Chinder fiirigange:

  • Hermann (* um 1060; † 8. Oktober 1130); as Hermann I. Markgrof vu Bade. Dr Hermann II. het sich as erschte Zähringer Markgrof vu Bade gnännt.
  • Luitgard

Literatur[ändere | Quälltäxt bearbeite]

  • Hansmartin Schwarzmaier u. a., Geschichte Badens in Bildern. 1100–1918. Kohlhammer, Stuttgart u. a. 1993. ISBN 3-17-012088-3.
  • Florian Lamke: Die frühen Markgrafen von Baden, die Hessonen und die Zähringer. Zeitschrift für die Geschichte des Oberrheins 154 (2006) (ISSN 0044-2607) S. 21–42.