Johann Jakob Gerster

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Dr Johann Jakob (Hans Jakob) Gerster isch e Dokter und Mediziner vo Gälterchinde gsi. Är isch am 26. Aprelle 1886 z Gälterchinde uf d Wält cho und am 7. Jänner 1954 z Gälterchinde gschtorbe. Är isch reformiert gsi.

Sys Läbe[ändere | Quälltäxt bearbeite]

Dr Hans Jakob Gerster isch dr Soon vom Johann Jakob Gerster, Mechaniker, und dr Sophie Recher gsi. Är isch in d Primarschuel z Gälterchinde und in d Bezirksschuel z Böckte gange. 1917 het är in erschter E`e d Ida Olga Hofer vo Zofige ghürote, 1925 in zwöiter E'e d Louise Elise Koch vo Basel und in dritter E'e 1936 d Elisabeth Eggenberger vo Grabs (St. Galle).

Sy Bruef[ändere | Quälltäxt bearbeite]

Dr Hans Jakob Gerster isch ins Gümnasium z Basel; drno het är z Basel, z Kiel und z München Medizin gschtudiert. 1911 het är si Abschluss als Dokter Mediziner gmacht. Im erschte Balkanchrieg 1912 1913 isch är in Lazarett als Arzt tätig gsi. Vo 1915 bis 1920 het är als Dokter im Ämmetal gschafft. Vo 1920 bis 1954 het är e eigeni Landpraxis z Gälterchinde gfüert. Är het sich für schirurgischi Fäll schpezialisiert. Sit 1933 isch är in brieflichem Gedankenustusch mit em östrychische Günekolog H. Knaus über Problem vo dr Befruchtig und Vererbig gsi. Dr Knaus het yn 1938 ufgforderet är söll doch sys Wüsse veröffentlige, wo är über die natürligi Geburteregelig heigi. Dr Hans Jakob Gerster het drno es Buech „Kinderzahl nach Wunsch und Willen“ gschrybe, wo in acht Schproche erschyne isch. Är isch als Wüsseschaftler mit Publikazione, Korreschpondänze und Vorträg in Naturforscher- und Ärztekreise tätig gsi.

Sys Wärk[ändere | Quälltäxt bearbeite]

  • Johann Jakob Gerster: „Kinderzahl nach Wunsch und Willen“, Zürich 1940

Literarischi Verwys[ändere | Quälltäxt bearbeite]

  • Biographisches Lexikon verstorbener Schweizer 4, 315

Extärni Verwys[ändere | Quälltäxt bearbeite]