Joe Alaskey

Dr Joseph Francis "Joe" Alaskey III (* 17. Juni 1952 z Troy, New York; † 3. Februar 2016 z Los Angeles, Kalifornie) isch en amerikanische Schauspiiler und Synchronsprächer gsii. Näbe sinere Rolle als Unggle Beano in dr Sitcom Mein Vater ist ein Außerirdischer isch dr Alaskey vor allem as d Stimm vo de Looney-Tunes-Figure Daffy Duck und Bugs Bunny bekannt.

Wo dr David Doyle im Joor 1997 gstorbe isch, het er däm si Rolle vom Groossvater in dr Zäichedrickserii Rugrats übernoo. Au in de Rugrats-Spiilfilm und in dr Noochfolgerserii All Grown Up – Fast erwachsen het er dere Figur d Stimm gee. Dr Alaskey isch au Sprächer in e hufe Kompiuterspiil gsi, under anderem in de Spiil Flucht von Monkey Island und Gothic 3.