י
(Witergleitet vun Jod (Hebräisch))
S Jod isch de zehnt Buechschtab im Hebräisch Alphabet. Er het de Zahlewert 10.
Gschicht
[ändere | Quälltäxt bearbeite]S hebräisch Jod het de glich historisch Hintergrund wie s phönizisch Jod, wu sich iber s griechisch Jota s latynisch I un J drus entwickelt hen. Z beachte isch, dass de semitisch Konsonant im Griechische zuem Vokal worre isch. Im moderne Ivrit, wu ohne Vokalzeiche gschribe wird (volli Schribung, scriptura plena), dient s Jod nebe sinre konsonantische Funktion au als Vokalazeiger fir de Lut I. Zwei uffenonderfolgendi Jod schtihn fir AI oder EY. D proto-semitisch un d phönizisch Version vum Jod schtelle abschtrakt ä Hond - hebr. jad - dar.
Bispil
[ändere | Quälltäxt bearbeite]- ירושלים jeruschalajim / yerushalayim: Jerusalem
- ישראל jisra'el / yisra'el: Israel
- ישוע jeschúa' / yeshúa': Jesus
- סידור: Siddur (Jod als mater lectionis)
- בייבי Baby (zwey Jod in eme Fremdwort fir de Diphthong ey)
Zeichekodierung
[ändere | Quälltäxt bearbeite]| Unicode UTF-16 | U+05d9 |
| Unicode-Nôme | HEBREW LETTER YOD |
| HTML | י |
| ISO 8859-8 | 0xe9 |