Jessica Früh
| Dialäkt: Undermarkgreflerisch |
D Jessica Früh (* 28. Oktoober 1956 z Züri) isch e Schwyzer Schauspiileri.
Lääbe
[ändere | Quälltäxt bearbeite]D Jessica Früh isch e Doochter vum Reschiseeri Kurt Früh un dr Schauspiileri Eva Früh Langraf, iir elter Schweschter isch d Schauspiileri Katja Früh. D Jessica Früh het zeerscht vu 1971 bis 1974 e Danz- un Gsangsuusbildig z Bärn bim Alain Bernard gmacht, derno het si vu 1974 bis 1978 e Schauspiilstuudium an dr Otto-Falckenberg-Schuel z Minche gmacht.
Druf het si vu 1978 bis 2002 an dytschsproochige Biine gspiilt un in verschiidene Film un Fäärnseeprodukzioone mitgwiirkt.
Bis 1979 het si ne Engaschmänt an dr Minchner Chammerspiil ghaa, wu si unter anderem 1976 d Elsie Wöllmer in Sonntagskinder vu dr Gerlinde Reinshagen (Reschy: Hellmuth Matiasek), 1977 d Clementine in Fegefeuer in Ingolstadt vu dr Marieluise Fleißer (Reschy: Harald Clemen) un d Margarete in Loch im Kopf vum Wolfgang Deichsel (Reschy: Hellmuth Matiasek), 1978 d Sophie in s Schillers Kabale und Liebe (Reschy: Ernst Wendt) gspiilt het.
In däre Zyt het si dernääbe au Stuckverdreeg am Stadttheater Bärn (1974 d Davis in Die See vum Edward Bond, Reschy Frederik Ribell) un am Studio am Montag z Bärn ghaa.
Vu 1979 bis 1984 het si ne Engaschmänt am Schauspiilhuus Bochum unter em Claus Peymann ghaa, wu si anderem d Kattrin in Mutter Courage und ihre Kinder vum Bertolt Brecht un d Ellinor in Eisenherz vu dr Gerlinde Reinshagen gspiilt het. 1984 het si au ne Gaschtroll am Schauspiil Frankfurt ghaa.
In dr Saison 1985/86 het si am Burgtheater Wien gspiilt, unter anderem het si deert d Marketa in dr Uruffierig vu Largo Desolato vum Václav Havel (Reschy: Jürgen Bosse), d Viviane in Ein Klotz am Bein vum Georges Feydeau (Reschy: Achim Benning), d Martirio in Bernarda Albas Haus vum Federico García Lorca (Reschy: Helga Schlusche) gspiilt.
Vu 1986 bis 1993 sich si fescht Mitgliid vum Ensemble vum Schauspiilhuus Züri gsii, speeter het si deert bis 1998 iber Stuckverdreeg mitgwiirkt. Z Züri het si unter anderem d Eva Puntila in Herr Puntila und sein Knecht Matti vum Brecht, d Lisa in Passage vum Christoph Hein, 1988 d Barblin in Andorra vum Max Frisch, 1990 d Titelroll in Die Souffleuse vu dr Friederike Kretzen, d Ludmilla in Nacht im Schwan vum Adolf Muschg, 1991 d Merri in Die Liebe ist schon mal erfunden worden vum Monique Laederach, d Hanna in D’ Benachrichtigung vum Václav Havel (Dieläktfassig un Reschy: Urs Bircher), 1992 d Katrin in dr Uruffierig vu Himmel auf Erden vum Roger Lille, 1995 d Madame de Volanges in Gefährliche Liebschaften vum Christopher Hampton (Reschy: Peter Wood), 1995 d Hilde in dr Schwyzer Erschtuffierig Der Drang vum Franz Xaver Kroetz (Reschy: Uwe Eric Laufenberg) un 1997 d Frau Jacobi in Szenen einer Ehe vum Ingmar Bergman (Reschy: Dieter Giesing) gspiilt.
Speeter het si no ne Gaschtrolle am Residänztheater Minche un am Schauspiilhuus Züri ghaa.
Dernääbe het d JEssica Früh in Film- un Fäärnseeprodukzioone mitgwiirkt, unter anderem het si 1979 d Miriam in Schwestern oder 'Die Balance des Glücks (Reschy: Margarethe von Trotta) un 1992 d Edith in Am Ende der Nacht (Reschy: Christoph Schaub) un 1999 bis 2006 d Dorothea Hurni-Frick in dr Serie Lüthi und Blanc gspiilt.
Vu 1998 bis 2002 het si an dr Schuel fir Gsundhait un Chrankebflääg vu dr Psichiatrische Uniwersiteetsklinik Züri studiert un 2002 mit em Diploom as „Psychiatrie-Pflegefachfrau DN II / HF“ abgschlosse.
Vu 2002 bis 2008 het si as Bfläägfachfrau Psichiatry am Kriiseninterwänzioonszäntrum (KIZ) vu dr Psichiatrische Uniwersiteetsklinik Züri der Psychiatrischen Universitätsklinik Zürich gschafft un druf vu 2009 bis 2015 bi sintegrA zürich as Teamlaiteri un Dozänti. Syter 20016 schafft si z Züri freiberueflig as Psichiatrischi Spitex un Coach.
Anne 1988 het si dr Reschiseer un eemoolige Brogrammdiräkter vum Schwyzer Fäärnseh Adrian Marthaler ghyroote. Si isch Mueter vu zwai Chinder.
Uusglääseni Filmografy
[ändere | Quälltäxt bearbeite]- 1977: Anatomiestunde
- 1979: Schwestern oder Die Balance des Glücks
- 1979: Die erste Polka
- 1992: Am Ende der Nacht
- 1998: De Fögi isch en Souhund
- 1998: Tatort: Streng geheimer Auftrag
- 1999–2006: Lüthi und Blanc (Fäärnsehserie, 286 Folge)
- 2007: Marmorera
Literatuur
[ändere | Quälltäxt bearbeite]- Judith Niethammer: Jessica Früh. In: Andreas Kotte (Hrsg.): Theaterlexikon der Schweiz. Band 1. Chronos, Zürich 2005, ISBN 3-0340-0715-9, S. 649 f.
Weblink
[ändere | Quälltäxt bearbeite]- Websyte
- Biografy uf psychosozialebegleitung.ch
- Jessica Früh in dr Internet Movie Database