Katja Früh
D Katja Früh (* 3. Mai 1953 z Züri) isch e Schwyzer Schauspiileri, Reschiseeri un Dramaturgi.
Lääbe
[ändere | Quälltäxt bearbeite]D Katja Früh isch e Dochter vum Schwyzer Reschiseer Kurt Früh un dr Wiener Schauspiileri Eva Langraf, d Schauspiileri Jessica Früh isch iri Schweschter. D Katja Früh isch uf d Zürcher Chunschtgwäärbeschuel gange un het dert anne 1969 dr Abschluss gmacht. Vu 1970 bis 1972 isch Si Bihnebild- un Reschyasssischtänti am Theater am Nöimèèrt Züri unter anderem bim Horst Zankl, em Gerhard Rühm un em Claus Bremer gsii. Vu 1972 bis 1975 het si ne Schauspiiluusbildig am Max-Reinhardt-Seminar z Berlin gmacht.
Ab 1975 war sie unter anderem in Hannover, Wuppertal und ihrer Heimatstadt Zürich engagiert.
Ab 1975 het si Engaschmänt an dr Stedtische Bihne Wuppertal un am Staatstheater Hannover ghaa, un in dr Schwyz unter anderem am Schauspiilhuus Züri un am Theater am Nöimèèrt Züri. Ab 1978 het si am Zürcher Schauspiilhuus sälber inszeniert.
Vu 1978 bis 1982 het si bim Schwyzer Radio DRS e Uusbildig zur Heerspiildramaturgi un -reschiseeri gmacht. 1980 isch si Reschiseeri un Dramaturgi bi Schwyzer Radio DRS wore.
Si het unter anderem mit dr Schauspiiler Otto Sander un Peter Fitz un zytgnessische Autore zämegschafft. Im Chäller vum Schauspiilhuus Züri het si 1982 S’süess Gheimnis vum Martin Suter in dr Raie D’Familie Chäller inszeniert, 1990 Vogelchopf vum Albert Wendt in ere aigene Dialäktfassig, 1994 s Chindermusical Die drü Dicke vum Jurij Olesa in ere aigene Dialäktfassig, 1995 Die wilde Sophie vum Patrick Frey, e Uruffierig noch em Chinderbuech vum Lukas Hartmann, 1996 dr Gspänschterkrimi Wyss wie Schnee vum Patrick Frey un 1998 d Uruffierig vu Best of Physiker vum Frey.
Vu 1984 bis 1997 het si as Reschiseeri in dr freie Theater- un Kabarett-Szene vu Zürich gschafft, unter anderem het si 1993 Trommeln über Mittag inszeniert. Dr Täxt zue däre Koprodukzion vum Vaudeville Theater Züric un em Theater im Fass Schaffuuse het si zäme mit em Patrick Frey gschribe.
Au bim Kabarett Götterspass het si e baar Johr lang Reschy gfiert, unter anderem 1992 Die grosse Schwamendinger Oberdorfoper, 1995 Dreamboat Schwamiland.
Derzue het d Früh as Heerspiilautori un -reschiseeri gschafft, z. B. 1991 Margrit, Lili und Ruth, 1991 bis 1998 Memo-Treff, as Bihnefassig 1995 unter dr Reschy vu dr Früh uf Gaschtspiilturnee). Von 1999 bis zue dr Absetzig vu dr Sändig 2006 isch si d Hauptautori vu dr SF DRS-Saipfeopere Lüthi und Blanc gsii, wu si sälber erfunde ghaa het.
Anne 1993 isch d Katja Früh fir ire Heerspiilschaffe mit em Radiobryys vu dr Zürcher Radiostiftig uuszaichnet wore.
D Katja Früh isch ghyrote un läbt mit irem Mann un dr gmainsame Chinder z Züri. E Dochter vun ere isch d Schauspiileri Lisa Maria Bärenbold.
Uusgläseni Wäärch
[ändere | Quälltäxt bearbeite]Heerspiil/Radiosändige
[ändere | Quälltäxt bearbeite]- Stella im Studio oder wie doch noch ein Hörspiel entsteht (Hörspiel, 1 MC). Schweizer Radio DRS, Zürich 1993
- Chabiswasser. Geschichten aus dem Alltag. Die besten Szenen aus dem Memo-Treff (Buech + MC). Scalo, Zürich 1994
- Angela, Radio DRS 1999
Theater-Uffierige
[ändere | Quälltäxt bearbeite]- Narzissen, Casinotheater Winterthur 2007 (u. a. mit Esther Gemsch un Tonia Maria Zindel)
- Dällebach Kari, Musical, Seebühne Thun 2010 (u. a. mit Hanspeter Müller-Drossaart)
- Super Theo, Erziehungskomödie, Casinotheater Winterthur 2011
- Im weissen Rössl, als Schwyzerdütschi Fassig zum 10-jehrige Jubiläum vum Casinotheater Winterthur, 2012
Publikazione
[ändere | Quälltäxt bearbeite]- Ach, mein Papa: Erinnerungen an Kurt Früh, einen grossen Regisseur, Geldvernichter, Selbstzweifler und Vater. Das Magazin 19/2015, S. 32–41.
- Bin ich jemand? Gebunden, 200 Seiten. Echtzeit Verlag, Basel, Oktober 2017, ISBN 978-3-906807-04-1
Literatur
[ändere | Quälltäxt bearbeite]- Kathrina Erizar: Katja Früh. In: Andreas Kotte (Hrsg.): Theaterlexikon der Schweiz. Band 1. Chronos, Zürich 2005, ISBN 3-0340-0715-9, S. 650 f.
Weblink
[ändere | Quälltäxt bearbeite]- Katja Früh in dr Internet Movie Database