Jean-Georges Noverre

Dr Jean-Georges Noverre.
Ditelblatt vo de Lettres sur les arts imitateurs, Bariis, Collin; La Haye, Immerzeel, 1807.

Dr Jean-Georges Noverre (* 29. April 1727 z Bariis; † 19. Oktober 1810 z Saint-Germain-en-Laye) isch e franzöösische Dänzer und Choreograaf gsi.

Er het mit em Gasparo Angiolini zu de bedütendste Dänzer und Choreograafe im 18. Joorhundert ghöört. Dr Noverre het im Gäist vo dr bürgerlige Ufkläärig gege d Brachtempfaltig vom hööfische Ballet kämpft, gege Räifröck und Perügge, für d Natürligkäit und Humanismus im Danz und für s dramatische Handligsballet (zum Bischbil im Ballet d'action). Er isch dr Leerer vo bedütende Ballettmäister gsi, wie öbbe vom Charles LePicq (* 1744 oder 1749; † 1806). Dr Noverre het under anderem 1744 bis 1747 z Berlin gschafft, vo 1747 bis 1750 z Stroossburg, vo 1760 bis 1767 z Stuttgart und vo 1767 bis 1774 z Wien under anderem mit em Christoph Willibald Gluck. 1770/1771 het er d Dänz für em Antonio Salieri si Don Chisciotte alle nozze di Gamace choreografiert. Z Bariis het dr Wolfgang Amadeus Mozart Muusig für em Noverre sis Ballett Les petits riens (1778) gschriibe. Im Noverre sini Brief über d Danzkunst (1760), wo zum Däil vom Gotthold Ephraim Lessing übersetzt worde si, ghööre zu de bedütendste theoretische Schrifte über s Ballett.

Litratuur

• Angermüller, Rudolph: „Jean-Georges Noverre“ und die Pariser Académie Royale de Musique um 1780, in: Mozart-Jahrbuch 1984/85 (Kassel 1986), S. 147-175.
• Dahms, Sibylle: „Jean Georges Noverre“, in: MGG, Bd. 12 (2004), Sp. 1227-1231.
• Dahms, Sibylle: „Jean Georges Noverre“, in: Pipers Enzyklopädie des Musiktheaters, Bd. 4 (1991), S. 476-484.

Weblingg

• Bibliothèque Nationale de Paris (www.gallica.fr): d Lettres (1760) und d Brief-Usgoobe vo 1807

Dä Artikel basiert uff ere fräie Übersetzig vum Artikel „Jean_Georges_Noverre“ vu de dütsche Wikipedia. E Liste vu de Autore un Versione isch do z finde.