Jean-François Rime

Us der alemannische Wikipedia, der freie Dialäkt-Enzyklopedy
Dr Jean-François Rime

Dr Jean-François Rime (* 28. Juni 1950 z Friburg, heimetbrächtigt z Charmey) isch e Schwyzer Bolitiker (SVP).

Läbe[ändere | Quälltäxt bearbeite]

Dr Rime isch vu Juni 1989 bis Februar 1991 im Gmeirot vu Bulle gsi. Anne 2003 isch er in dr Nationalrot gwehlt un isch bi dr Barlemäntswahle 2007 bstetigt wore. Vum 1. Dezämber 2003 bis zum 2. Dezämber 2007 het er Yysitz gha in dr Kommission fir Wirtschaft un Abgabe gha. Ab em 3. Dezember 2007 bis zum 3. Oktober 2008 isch er Mitgliid vu dr Spezialkommission Legislaturblanig 2007-2011 gsi un vum 3. Dezämber 2007 bis zum 1. März 2009 in dr Kommission fir Verchehr un Färnmäldewäse. Mittlerwyyli isch er wider in dr Kommission fir Wirtschaft un Abgabe.

Vu dr Fraktion vu dr Schwyzerische Volkspartei in dr Bundesversammlig isch dr Rime as Kandidat fir d Bundesrotsersatzwahl vum 22. Septämber 2010 nominiert wore.

Dr Rime isch Unternähmer un het e Sägerei. Är isch ghyrote un het drej Chinder. Dr Rime wohnt z Bulle.

Weblink[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Jean-François_Rime“ vu de dütsche Wikipedia. E Liste vu de Autore un Versione isch do z finde.