Dschääscampus Baasel
Koordinate: 47° 33′ 36,7″ N, 7° 35′ 35,5″ O; CH1903: 611634 / 267732
| Dialäkt: Baseldütsch |
Dr Dschääscampus Baasel isch e Muusigschuel vo dr Baasler Muusigakademii und e Muusighoochschuel vo dr Fachhoochschuel Nordwestschwiz. Dr Campus befindet sich im Chläibaasel an dr Utegass 15.
Öbbe 200 Schüelerinne und Schüeler leere Dschääs an dr Muusigschuel und mee as 60 Studierendi uf em Dschääscampus. Dr Läiter vom Campus isch dr Bernhard Ley.
Gschicht
[ändere | Quälltäxt bearbeite]1986 het dr Dschääsmuusiker Bernhard Ley s «Dschääscasino» im Summercasino ufdoo. S Büro isch im Chäller gsi und e Hampfle vo Muusiker häi in zwäi Underrichtsrüüm d Schüeler im Dschääs underrichdet. S Ganze isch vom Bsitzer vom Summercasino, em Veräin Basler Freizeitaktion, understützt worde. 1991 isch d Schuel im Kantonale Schuelabkomme und vom SMPV anerkennt worde. 1996 isch si, understützt vo dr Christoph Meriaa Stifdig an d Riinacherstrooss züüglet.
Im Joor 2000 isch d Bruefsschuele as Abdäilig Dschääs Däil vo dr Hochschuel für Muusig vo dr Muusik-Akademii worde und het vom Kanton Subwenzione afo überchoo. 2007 isch si in d Muusigschuel vo dr Muusig-Akademii integriert worde.
Im Septämber 2014 isch denn dr Chläibaasler Dschääscampus eröffnet worde.
Kwelle
[ändere | Quälltäxt bearbeite]Website vom Dschääscampus, abgrüeft am 26. Januar 2015