Jürgen Walter
| Dialäkt: Undermarkgreflerisch |
Dr Jürgen Walter (* 11. Mai 1957 z Stuegert) isch e dytsche Bolitiker (Bindnis 90/Di Griene).
Noch em Abitur z Ludisburg het dr Jürgen Walter z Stuegert un z Eugene, Oregon Anglischtik un Germanischtik studiert. Derno het er bis zue syre Wahl in dr Landdag sechs Johr lang im Ludisburger Scala gschafft un het dert in dr Hauptsach Jazzkunzärt un Kabarettoobe organisiert. Bis 1993 isch er Gschäftsfierer vu dr Firma Ecotopia Productions, Ludisburg gsii. Dr Walter isch evangelisch, ghyrote un het e Suhn. Är läbt z Aschperg.
Bolitisch engaschiert er sich syter anne 1983 bi dr Griene. Vu 1983 bis 1991 isch er Ortsvorsitzer vu dr Griene z Aschperg gsii, vu 1989 bis 2011 Gmaitrot z Aschperg, vu 1989 bis 1992 isch er Mitglid im Chraisdag z Ludisbrug gsii. Anne 1999 isch er Sprächer vum Chraisvorstand z Ludisburg woren,. Im Johr 2006 isch er us em Chraisvorstand uusgschide.
Anne 1992 isch dr Walter im Wahlchrais Ludisburg as Abgordnete in dr Landdag vu Bade-Wirttebärg gwehlt wore. Vu 2006 bis 2011 isch er dert Sprächer vu syre Fraktion fir d Beraich Medie, Europa un Sport gsii. Noch Landdagswahl 2011 isch er zum Staatssekretär im Minischterium fir Wisseschaft, Forschig un Chunscht im Kabinett Kretschmann I ernännt wore.
Weblink[ändere | Quälltäxt bearbeite]
Commons: Jürgen Walter – Sammlig vo Multimediadateie