Dr Jüüdisch Nazionaalfõ

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
JNF-Hauptkwardier z Jerusalem

Dr Jüüdisch Nazionaalfõ (hebräisch ‏קרן קימת לישראל‎ isch e Däil vo dr zionistische Beweegig, wo de Juude s Lääbe in Israel will mööglig mache. Er förderet Umwältbrojekt in Israel und isch in dr Forstwirtschaft im ganze Land däätig.[1]

Gschicht[ändere | Quälltäxt bearbeite]

E JNF-Sammelbüggse

Dr JNF isch 1901 z Baasel vom Johann Kremenezky im Ufdraag vom Theodor Herzl gründet worde, zum s Land vom zuekümftige jüüdische Staat vorzberäite. Bis 1948 het er vor allem Land für jüüdischi Siidler in Palestina kauft. Er het sini Akzioone dank dr finanzielle Hilf dur die jüdische Gmäinde uf dr ganze Wält finanziert.

Sit dr Gründig vom Staat Israel 1948 het sich dr JNF uf s Pflanze vo Böim konzentriert, bis 2006 260 Millioone von ene. 1961 isch er offiziell für s Ufforste und d Forstwirtschaft zueständig worde. Sit de 2010er Joor inwestiert er vil in d Wasserresorse, wo d Ufforstig wichdig isch drfür. In dr Negev-wüesti stoosse sonigi Brojekt bi de Beduine mänggisch uf Widerstand, wil si bi Staatsland vilmol dradizionelli Rächt amälde. So isch s im Januar 2022 zu Gwaltdaate gege Arbäiter vom JNF cho, wo die e Wald in dr Nööchi vom e Beduinedorf häi welle aapflanze.

JNF-Böim in dr Negev-Wüesti. Künstligi Düne halte s Räägewasser uf, so dass sich en Oase cha entwiggle.

Es git aber vili Brojekt, wo dr JNF und Beduine kooperiere. S Ziil vo dene JNF-Brojekt isch s, d Lääbenskwalidät vo dr Beduinebevölkerig im Negev z verbessere. So het er in dr Beduinestadt Rahat e Wasserreserwuar baut oder bekämpft er d Boodenerosion, wo vom Überwäide chunnt mit Aapflanzige. Daas chunnt au de Beduine und iire Härde zguet.[2]

Litratuur[ändere | Quälltäxt bearbeite]

  • Susan Nathan: The Other Side of Israel: My Journey Across the Jewish-Arab Divide. HarperCollins, 2005, ISBN 0007195109 (biografischer Bericht zu den Hintergründen der Aktivitäten des Jüdischen Nationalfonds in Israel)
  • Sie schenkten mir Dornen. Lübbe, Bergisch Gladbach 2005, ISBN 3-7857-2225-7

Weblingg[ändere | Quälltäxt bearbeite]

 Commons: Jüdischer Nationalfonds – Sammlig vo Multimediadateie

Fuessnoote[ändere | Quälltäxt bearbeite]

  1. NATIONAL REPORT OF ISRAEL,Years 2003-2005, TO THE UNITED NATIONS CONVENTION TO COMBAT DESERTIFICATION (UNCCD). (Nicht mehr online verfügbar.) Juli 2006, archiviert vom Original am 26. Mai 2011; abgruefen am 13. März 2011.  Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.@1@2Vorlage:Webachiv/IABot/www.unccd.int
  2. http://www.kkl.org.il/kkl/english/main_subject/environmental_quality/international%20cleanup%20day%202010%20in%20israel.x
Information icon.svg Dä Artikel basiert uff ere fräie Übersetzig vum Artikel „Jüdischer_Nationalfonds“ vu de dütsche Wikipedia. E Liste vu de Autore un Versione isch do z finde.