Dr Istäiner Chrieg

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Baseldütsch

Dr Istäiner Chrieg isch en Usenandersetzig zwüsche dr Stadt Basel und de Habsburger in de Joor 1409/10 gsi.

D Burg Istäi

Es isch drbii um d Vorheerschaft am Oberrhii gange. D Katharina vo Burgund, d Frau vom Herzog Leopold, het im Elsass regiert. 1409 isch s zum Chrieg gege d Stadt Basel cho, wo vo Stroosburg, Bärn und Soledurn understützt worden isch. Uf dr Site vo de Habsburger het s Aadligi gha, wo immer wider Aagrif gege Basler Bsitz und Underdaane gmacht häi. Zu deene het zu sällere Zit au dr Pfandheer vo dr Dobbel-Burg Istäi, dr Burckhardt (dr Jüngeri) Münch vo Landskron ghöört. D Basler und iiri Verbündete si mit öbbe 5'000 Maa vor Istäi zooge. D Basler Artillerii het bäidi Burge beschosse, bis s undere Schloss schliesslig undergraabe worde isch und d Muure in Rhii gheit si. S obere Schloss het drufaabe kapituliert.[1] D Basler häi d Burge gschläift und d Stäiblöck brucht zum s Riechedoor z Basel baue.

Kwelle[ändere | Quälltäxt bearbeite]

  • Dr Abschnitt «Der Isteiner Krieg» im Artikel Istein uf dr dütsche Wikipedia

Fuessnoote[ändere | Quälltäxt bearbeite]

  1. s. Peter Ochs: Geschichte der Stadt und Landschaft Basel, Dritt Band, Basel 1819, S. 55/56