Dr Internazional Grichtshoof

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Disambig.svg Dä Artikel behandlet dr Internazionali Grichtshoof (IGH) vo de Veräinte Nazione, wo in Aagläägehäite zwüsche Staate entschäidet. Er sött nit mit em Internazionale Stroofgrichtshoof verwäggslet wärde.


&nbsp
Internazionale Grichtshoof

Faane vo de Veräinte Nazione

S Dienstgeböid vom Internazionale Grichtshoof z Den Haag (2006)
Änglischi Bezeichnig International Court of Justice (ICJ)
Vorsitz Richter Ronny Abraham (Frankriich), Bresidänt vom Internazionale Grichtshoof
Gründigszitpunkt 1945
Sitz Den Haag, Niiderland
www.icj-cij.org

Dr Internazionali Grichtshoof (churz IGH; franzöösisch Cour internationale de Justice, CIJ; änglisch International Court of Justice, ICJ) isch s Haupträchtsprächigsorgan vo de Veräinte Nazione und het si Sitz im Friidensbalast z Den Haag (Niiderland). Wien er funkzioniert und für was er zueständig isch, isch in dr Charta vo de Veräinte Nazioone greeglet, wo s Statut vom Internazionale Grichtshoof Däil drvo isch.

Zueständigkäit[ändere | Quälltäxt bearbeite]

Nume Staate chönne Bardeije vor em Internazionale Grichtshoof si, nid aber internazionali Organisazione und anderi Völkerrächtssubjekt. Vor s Gricht chönne nume Verdraagsstaate vom IGH-Statut. Das si noch em Ardikel 93 Absatz 1 vo dr Charta vo de Veräinte Nazione alli UN-Mitgliider und au Staate, wo nid Mitgliid in dr UN si, aber s Statut ratifiziert häi. S Gricht isch nume denn zueständig für d Entschäidig vom ene Fall, wenn alli Bardeie die Zueständigkäit anerkennt häi.

D Richder[ändere | Quälltäxt bearbeite]

S Gricht het 15 Richder, wo alli en anderi Nazionalidäät müesse ha. Si wärde vo dr UN-Generalversammlig und em UN-Sicherhäitsroot gmäinsam für en Amtszit vo nüün Joor gweelt. E Wiiderwaal isch mööglig. D Amtszit vo de Richder goot am 5. Februar vo Joor wo aagee isch z Änd. Bi dr Waal luege d Staate druf, ass die fümf Wältregione representiert si. Alli drei Joor wird e Drittel vo de Richder nöi gweelt. D Richder si käni Verdräter vo iirem Land, sondern müesse ganz unabhängig urdäile. Dr äinzig Maassstaab isch s Völkerrächt.

Litratuur[ändere | Quälltäxt bearbeite]

(chronologisch)

  • Hans Wehberg (1918): The Problem Of An International Court Of Justice. At The Clarendon Press. Volltext uf Archive.org
  • Arthur Eyffinger, Arthur Witteveen, Mohammed Bedjaoui: La Cour internationale de Justice 1946–1996. Martinus Nijhoff Publishers, Den Haag und London 1999, ISBN 90-411-0468-2
  • Shabtai Rosenne: The World Court: What It is and How It Works. 6. Uflaag, Nijhoff, Leiden 2003, ISBN 90-04-13633-9
  • Constanze Schulte: Compliance with Decisions of the International Court of Justice. Oxford University Press, Oxford 2004, ISBN 0-19-927672-2
  • Moritz Karg: IGH vs. ISGH. Die Beziehung zwischen zwei völkerrechtlichen Streitbeilegungsorganen. Nomos, Bade-Bade 2005, ISBN 3-8329-1445-5
  • Andreas Zimmermann u. a. (Hrsg.): The Statute of the International Court of Justice: A Commentary. Oxford University Press, Oxford 2006, ISBN 0-19-926177-6

Weblingg[ändere | Quälltäxt bearbeite]

 Commons: Internationaler Gerichtshof – Sammlig vo Multimediadateie
Icon Hinweis Rechtsthemen.svg Bitte gib au Achtig uf dr Hiwis zue Rechtstheme!
Information icon.svg Dä Artikel basiert uff ere fräie Übersetzig vum Artikel „Internationaler_Gerichtshof“ vu de dütsche Wikipedia.

E Liste vu de Autore un Versione isch do z finde.

52.08664.2955Koordinaten: 52° 5′ 12″ N, 4° 17′ 44″ O