Sicherheitsrat der Vereinten Nationen

Us der alemannische Wikipedia, der freie Dialäkt-Enzyklopedy
Hops zue: Navigation, Suech

&nbsp

Sicherheitsroot vo de Vereinte Natione
UNSC

Flagge der Vereinten Nationen

Dr Saal vom UN-Sicherheitsroot
Änglischi Bezeichnig United Nations Security Council (UNSC)
Französischi Bezeichnig Conseil de sécurité des Nations unies
Vorsitz Brasilie (Februar 2011)
Status aktiv
Gründigszitpunkt 17. Januar 1946 im Londoner Church House
Sitz New York
Mitgliidstaate
Mitgliidstaate 15 (5 ständigi +10 nitständigi Mitgliider)
Oberorganisation Vereinti Natione
www.un.org/sc
Sitzigssaal vom Sicherheitsroot im UN-Hauptquartier z New York

Dr Sicherheitsroot vo de Vereinte Natione (ängl. Abchürzig UNSC, United Nations Security Council), hüfig au as Wältsicherheitsroot bezeichnet, isch s mächtigste Organ vo de Vereinte Natione. Er setzt sich us fümf ständige (Permanent Members, au P5 gnennt) und zäh nitständige Mitgliider (Elected Members) beziehigswiis Staate zsämme. Die fümf ständige Mitgliider (Frankriich, Russland, die Vereinigte Staate, d Volksrepublik China und s Vereinigte Königriich) hai bi dr Verabschiidig vo Resolution (Resolutions) en erwiiterets Vetorächt und wärden dorum au as Vetomächt bezeichnet.

Die konstituierendi Sitzig vom Sicherheitsroot het am 17. Januar 1946 stattgfunde; die und die 23 Sitzige druf si im Londoner Church House abghalte worde, spöteri Sitzige hai im Hunter College in dr Bronx, im Henry Hudson Hotel an dr Fifth Avenue in Manhattan und in dr Sperry Gyroscope-Fabrik z Lake Success stattgfunde, bevor dr Root 1951 si derzitigs Domizil, s UN-Hauptquartier, am East River in Manhattan bezoge het.

Ufgoobe[ändere | Quälltäxt bearbeite]

Noch em Ardikel 24 I vo dr Charta vo de Vereinte Natione sötte ihm d Mitgliidstaate „d Hauptverantwortig für d Wahrig vom Wältfriide und vo dr internationale Sicherheit“ überdräge. Währed anderi UN-Organ unmittelbar nume Empfählige chönne abgee, cha dr Sicherheitsroot noch de Bestimmige vom Kapitel VII vo dr Charta Entscheidige mit Bindigswirkig für d Mitgliidstaate dräffe - „Massnahme bi Bedrohig oder Bruch vom Friide und bi Aagriffshandlige“. Drbii bestoht e grundsätzligi Rächtsbindig an d Norme vo dr UN-Charta. Näbe dr politische Prärogative vom Sicherheitsroot zur Uslegig vo de datbestandlige Vorussetzige vom Art. 39 in concreto cha si Praxis zur Furtbildig vo bestehendem Rächt füehre. Noch dr herrschende Meinig darf sich dr Sicherheitsroot drbii aber nit in e dezidierte Widerspruch zu de anerkannte Rächtsquelle vom Völkerrächt setze (Uslegig contra legem), wil er kei eigeni Rächtssetzigsbefuegnis het. D Entscheidige vom Sicherheitsroot underliige allerdings keinere wirksame Rächtskontrolle.

Fuessnote[ändere | Quälltäxt bearbeite]

UN-Charta


Weblingg[ändere | Quälltäxt bearbeite]

 Allmänd (Commons): United Nations Security Council – Sammlig vo witere Multimediadateie


Dä Artikel basiert uff ere fräie Übersetzig vu dere Version vum Artikel „Sicherheitsrat_der_Vereinten_Nationen“ vu de dütsche Wikipedia.

E Liste vu de Autore un Versione isch do z finde.