Inkscape
| Inkscape | |
|---|---|
| |
 Inkscape mit Inkscape-Logo | |
| Basisdate | |
| Entwickler | Inkscape Community |
| Erschynigsjohr | 2003[1][2] |
| Aktuelle Version | 1.4[3] (13. Oktober 2024) |
| Betribssystem | Linux, Windows, Mac OS X |
| Programmiersproch | C++, C |
| Kategorii | Bildbearbeitig |
| Lizänz | GPL (Freii Software) |
| Dütschsprochig | ja |
| Alemannisch | - |
| www.inkscape.org | |
Inkscape isch e Open-Source-Vektorgrafik-Editor. S Ziil isch s, zue de Standards SVG un CSS kompatibel z sii.
Inkscape isch als Fork vun Sodipodi ufgrund vun Unstimmigkeite iber d Ziil und de Entwicklungsweg entschtonde.
Mit em Fork isch mer vun C zuer C++-Programmiersproch un vun GTK zuer C++-Variant GTKmm gwechselt. Zuedem isch d Benutzeroberfläch neij gschtaltet worre un e Viilzahl on Funktione dezuekumme.
Inkscape wird aktiv witerentwickelt, un neije Versione erschiine regelmässig.
D neijscht Versione hen d Megligkeit, in Konferenzschaltung z zeichne (dodebi wird s Jabber-Protokoll verwendet); Diagramm mit beweglige Verbindunge z erschtelle; Unicode, Fliesstext un Text-uf-Pfad; Effekte, Klone un Layer; Bitmap-Tracing; sowie Lizenz- (wie z. B. Public Domain) un ondri Metainformatione als RDF zue dr Graphik zuezfiege.
Vorteil, speziell fir Ofänger, wu Inkscape gegeiber ondre (koschtepflichtige) Vektorgrafik-Programme wie Adobe Illustrator bietet, isch d intuitiv Hondhabung un d Benutzerfrejndligkeit sowie extrem kurzi Ladezyt bim Schtarte vum Programm.
Inkscape isch bsunders guet geignet zum Erstelle un Layoute vun Flugblätter, CD-Cover, Poster, Logos, Schriftziig, Comics(-Charaktere), Schtadtpläne usw.
De uffig Zuegriff zue de Codebasis fir alli Entwickler un d Mitwirkung in de Open-Source-Gmeind wird bi Inkscape gross gschribe.
S Autoreteam isch zuem Zytpunkt vum Fork uss drey US-Amerikaner bschtonde; zomme mit eme Kanadier bilde si zur Zyt d Adminischtrationsebene. D Onzahl vun witre aktive Autore isch nie gresser wie ei bis zwei Dutzed gsi. Im Lauf vun dr Zyt hen aber schu on di hundert Autore us de gonze Welt Programm- un Ibersetzungsbiträg gleischtet.
Weblink
[ändere | Quälltäxt bearbeite]- Incscape.org
- Inkscape-Wiki (Site cha nüme abgrüeft wärde; Suche im Webarchiv)
- "Elektronische Zeichenfeder" - Bericht iber Inkscape in de Zytschrift LinuxUser
- Galerii vun Inkscape-Bildar (uff Englisch)
|
Dä Artikel basiert uff ere fräie Übersetzig vum Artikel „Inkscape“ vu de dütsche Wikipedia. E Liste vu de Autore un Versione isch do z finde. |
- ↑ sourceforge.net. (änglischi, sprooch, abgerufen am 24. Mai 2019).
- ↑ inkscape.org. (änglischi, sprooch, abgerufen am 24. Mai 2019).
- ↑ Inkscape launches version 1.4, with powerful new accessible and customizable features. (abgerufen am 13. Oktober 2024).