C (Programmiersprache)

Us der alemannische Wikipedia, der freie Dialäkt-Enzyklopedy
Hops zue: Navigation, Suech

D Programmiersproch C isch vom Ken Thompson und em Dennis Ritchie i de früe 70er-Jahr für das damals neu entwickelte Betriebssystem Unix entworfe worde. Dä Ken Thompson hät zerscht d Programmiersproch BCPL a sine Wünsche anpasst und sie i d Sprach B umgnännt (Nach de Bell Laboratories, vo er sie entwickelt hät). Später isch drus dän d Sprach C entstande. D grundlegendi Programm vo allne Unix-System und d Systemkerne vielä Betriebssystem sind in C porgrammiert.

Vill Sprachä, wie C++, Java, C#, Objective-C, PHP oder Perl orientiered sich a dä Syntax und anderä Eigenschaftä von C.

Übärblick[ändere | Quälltäxt bearbeite]

C isch uf fascht allne Computersystem verfüegbar. Sie isch e sogenannti prozedurali Programmiersprach. In C gschribeni Programm werded rächt schnell usgfüert und bruched wenig Systemressource.

D Verbreitig vo C isch immer no höch. Aber vill i C gschribeni Programm mönd gwarted und witerentwickled werde.

Dank es paar Eigeschafte wie em relativ diräkte Speicherzuägriff eigned sich C guet für d Systemprogrammierig. Bi dä Awendigsentwicklig wird C aber immer meh dur anderi Sprachend wie C++, Objective-C, Java und C# verdrängt, diä sind im Bezug uf Entwickligsgschwindigkeit, Wartbarkeit, Informationssicherheit und Entwurfsunterstützig besser sind.

D sprach C isch mit em Ziel entwickelt worde, ä Sprachabstraktion zu Assembler z implementierä. Es söt e direkti zueordnig zu wenigä Maschinäinstruktionä gä, um d Abhänigkeit vo än rä Laufzitumgäbig z minimierä. Dank dem Design isch es möglich C-Code uf ä rä Hardwarnäche Ebeni z schribe, analog zuä Assemblerbefehl. D Portiärig vo emä C-Compiler uf noiä Prozessorplattformä isch im gägäsatz zuä anderä Sprache wniger ufwändig, so dass sich das praktisch immer lohnt, vom Mikrocontroller bis zum Grossrächner. Dä GNU-C-Compiler (gcc) isch zum Bispil für vil verschiedeni Prozessorä und Betriebsystem verfüegbar. Es gid also für fascht jedi Plattform än C-Compiler, so chönd Quelltegscht mit chline Änderigä uf anderä Plattforme wieder verwänded wärde.

Dä Artikel basiert uff ere fräie Übersetzig vum Artikel „C_(Programmiersprache)“ vu de dütsche Wikipedia.

E Liste vu de Autore un Versione isch do z finde.