Impresario

Us der alemannische Wikipedia, der freie Dialäkt-Enzyklopedy

En Impresario (vo italiänisch impresa: Undernääme) isch bsundrigs im 17. bis ins 19. Joorhundert dr Läiter und mänggisch au dr Bsitzer vom ene Operehuus oder vom ene Theater gsi bzw. vom ene Opere- oder Theaterundernääme. Im dütsche Sproochruum wird dr Begriff nüm brucht, im änglische hingeege wärde freiji Theaterbroduzänte au hüte no as Impresario bezäichnet.

Mä cha dr historisch Impresario mit em hütige Intendant vergliiche. Er isch dr Gschäftsfüerer gsi und het d Verantwortig ghaa für d Finanze und d Reputazioon vom Huus.

Bekannti Impressario[ändere | Quälltäxt bearbeite]

Äine vo de bekanntiste Impresario isch dr Komponist Georg Friedrich Händel gsi, wo z London sini Opere im äigene Huus ufgfüert het und au dr künstlerisch Läiter und Gschäftsfüerer in äim gsi isch. Eson e Personalunion isch aber nit üüblig gsi. Vilmol isch dr Impresario e Mezeen gsi, wo mit Gäld usgholfe het.

En andere bekannte Impresario isch dr Sergei Djagilew gsi, dr Gründer und Läiter vo de Ballets Russes.

Dr Florenz Ziegfeld Jr. het mit de Ziegfeld Follies am Aafang vom 20. Joorhundert am Broadway groossi Erfolg gfiirt, wie au dr Miusiklkomponist und -broduzänt Andrew Lloyd Webber.

Litratuur[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Impresario“ vu de dütsche Wikipedia. E Liste vu de Autore un Versione isch do z finde.