Pfàffagassla (Mìlhüüsa)

S’ zwaischproochiga Schtroossaschìld

Dialäkt: Mìlhüüserdiitsch

S’ Pfàffagassla (offiziäll ìm zwaischproochiga Schtroossaschìld Pfaffàgàsslà; uff Frànzeesch impasse des Prêtres [ɛ̃.pas de pʁɛtʁ]) ìsch a klaina Schtrooss ìm Schtàdtzäntrum vu Mìlhüüsa.

wu ’s ìsch

S’ Pfàffagassla làuift uff äbba 50 Meeter zwìschem Rothüüsdurgàng un dr Wilhelm-Tell-Gàss. Uff dr Sitta vu dr Wilhelm-Tell-Gàss ìsch’s mìt’ma Portàl gschlossa.

Gschìchta

Vor’m 16. Joohrhundert hàt dia Schtrooss Peter Niessen Gasse odd’r Waltbach Gässlein ghaissa. Dr Peter Niessen ìsch ànna 1400 Kàplàn gsìì vu dr Schtefàànskìrìch àm Rothüüsplàtz. Àb’m And vum 16. Joohrhundert hàt d’ Schtrooss Pfaffen Gässlein ghaissa — daa Nàmma ìsch zem äärschta Mol àm 21. März 1571 schrìftlig ärwäähnt worra. Àn dr Schtrooss ìsch a Hüüs gsìì, wu krànka un àlta Kläriker vu dr Schtefàànskìrìch gwohnt hann.

Ànna 1815 hàt d’ Schtrooss uff Frànzeesch Cul de sac des Halles ghaissa — dàs bediitet „Hàlla-Sàckgàssa“. Ìm Mìttelàlter ìsch hìnter’m Rothüüs a Màrkthàlla gsìì, wumm’r s’ Korn glààgert hàt. Dur a Verordnung vum Mìlhüüser Gmaindaroot àm 11. Nowamber 1843 hàt d’ Schtrooss offiziäll dr Nàmma Impasse des Halles bikumma.

Ìn dr Zitt vum Diitscha Kaisserraich un vum Drìtta Raich hàt d’ Schtrooss Pfaffen Gässchen ghaissa. Noh-n-em Äärschta Waltkriag hàt sa uff Frànzeesch Impasse des Prêtres („Sàckgàssa vu da Priaschter“) ghaissa. Daa Nàmma ìsch noh dr Befräijung vu Mìlhüüsa-n-àm And vum Zwaita Waltkriag wììder z’ruckkumma.

Lìteràtüür

• Impasse des Prêtres. In: Conseil Consultatif du Patrimoine Mulhousien, Société d’Histoire et de Géographie de Mulhouse (Hrsg.): Les rues de Mulhouse : Histoire et Patrimoine. JdM Éditions, Mìlhüüsa 2009, ISBN 2-915836-67-1, S. 441 (französisch, Erstausgabe: 2007). 

Ainzelnoohwiisa

47.746247.3393