Zum Inhalt springen

Hotelfachschuel Haidelberich

Us der alemannische Wikipedia, der freie Dialäkt-Enzyklopedy
Hotelfachschule Heidelberg
Schueltyp Fachschuel
Gründigsjohr 1925[1]
Ort Haidelberich
Land Baden-Württemberg
Staat Deutschland
Schueldräger Stadt Haidelberich
Leitig Ralf Hein[2]
Website www.hotelfachschule-heidelberg.de

D Hotelfachschuel Haidelberich (Fritz-Gabler-Schuel) isch e staatligi Schuel, Schueldreeger isch d Stadt Haidelberich. S git si syter anne 1925 un si isch e raini Wyterbildigsschuel. Dr Name vun ere chunnt vum Haidelbericher Hotelier Fritz Gabler.

Gschicht

[ändere | Quälltäxt bearbeite]

Grindig

[ändere | Quälltäxt bearbeite]

Dr Hotelier Fritz Gabler (1876–1953)[3] het d Gridnig vu dr Hotelfachschuel Haidelberich firschi driibe, sällewääg drait si mitlerwyyli sy Name.[4][1]

Scho frie het er si in verbands- un beruefsständische Greemie engaschiert. Zäntral Aaliige isch ihm d Verbesserig vu dr Beruefsuusbildig gsii.[5] Zäme mit andere Haidelbericher Hotelier, dodrunter vor allem dr Friedrich Ortenbach, het er d Grindig vun ere Hotelfachschuel fir di chaufmännisch un fachli Wyterbildig vum Beruefsnoowugs firschi driibe. No intänsiive Mieje het di Baadisch Staatsregierig schließlig im April 1925 di Heecher Hotelfachschuel Haidelberich ufgmacht.[6]

Bis zue sym Dood isch dr Fritz Gabler dr Schuel as Feerderer un Rootgeeber äng verbunde bliibe. Vu syre Funktzioon as Bresidänt vu dr „Alliance Internationale de l'Hotellerie“ syt 1937 het au d Hotelfachschuel in ihrem internazionaale Bekannthaitsgraad profitiert. Au d Grindig vum Feerderverain vu dr Schuel in dr Chriegsjohr, em hitige Fritz-Gabler-Schuelverain, goht uf sy Iniziatiiv zrugg.

Entwicklig

[ändere | Quälltäxt bearbeite]

D Höhere Hotelfachschule Heidelberg isch am 30. April 1925 as effetligi Schuel vum Land Bade in ere Fyyr ufgmyacht wore. 57 Schueler hän dr erscht Johrgang bildet. Organisatorisch isch si as Abdailig dr Haidebercher Hechere Handelsschuele aaglideret gsii.[7] In syre Aasproch het dr Fritz Gabler s Zyl vorgee, dr Beruefsnoowugs fachli un sprochli, vor allem aber im chaufmännische Dänke z schuele. Vu Aafang aa het s zuem blanmäßige Unterricht derzue au no Fachvordreg vu Räbböuexperte, Chuchefachlyt, Architäkte u. a. gee. Dr äng Kontakt zue dr Hotäl un Gaschtronome vor Ort un zum waidli aagagsene Krais vu dr Absolwänte isch e Chännzaiche gsii. Scho dr erscht Johrgang het e Ehmoligeverainigung noch em Vorbild vun ere Studänteverbindig bildet. D „Vereinigung der Hotelfachschüler zu Heidelberg e.V.“ (VHH), wu as Satzigszwäck u. a. d Ferderig vu dr Standes- un Beruefsbildig het, het 2018 wältwyt ca. 1.400 Mitglider ghaa.[8][9]

S Kunzäpt vu dr Schuel isch erfolgrych gsii, si isch all bekannter wore un d Schuelerzahle sin aagstige. Anne 1937 het d Hotelfachschuel in e aige Gebi in dr Mönchhofstraße chenne yyzie un isch im Merz 1938 derno ne aigeständigi Schuel wore, d „Reichsfachschule für das Hotel- und Gaststättengewerbe“.[10] Drv erscht Schullaiter isch dr Hellmut Büchler gsii, wu scho syter 1925 as Lehrer an dr Schuel unterrichtet ghaa het.

Im April 1944 isch d Schuel dur e Bumbenaagriff ganzt abbrännt.[11] Dr Unterricht isch an verschidene Ersatzquartier wytergange, nume dr Johrgang 1945/46 isch in dr Noochriegszyt uusgfalle. Wäg dr Ruumnot het d Schuel vu 1946 bis 1950 in d Nochberstadt Weinheim an dr Bärgstroß mieße uuswyche. Aber au dert sin d Bedingige schwirig gsii. Unterrichtet woren isch in ere „Schuelbaracke“. Ab 1950 isch d Hotelfachschuel uf Haidelberich retuurchuu, zerscht in Ryym, wu si mit em Hölderlin-Gimnasium het mieße daile. Wäge dr wirtschaftli schwirige Situazion vu dr Schueler isch dr Unterrichrt um die Zyt uf zwai Winterhalbjohr verdailt wore. Doderdur hän d Schueler in dr lukrative Summersaison chenne dureschaffe.

D Ruumsituazion het si erscht entspannt, wu d Schuel im Spotjohr 1959 in Neiböu in dr Rohrbacher Straße umzogen isch, wu si fir di negschte 30 Johr ire Domizil ghaa het. Ab 1963 isch em Hauptlehrgang (im erschte Uusbildigsjohr) e Sunderlehrgang aagschlosse un dodermit d Uusbildig, aafangs nume fir wenig Schueler, uf zwai Johr uusdehnt wore. Aafangs 1970er-Johr isch mit dr Yyfierig vum Abschluss „Staatlich geprüfter Betriebswirt – Fachrichtung Hotel- und Gaststättengewerbe“ d Wyterbildig fir chaufmännischi Fachschuele generäll uf zwai Johr uusdehnt wore.

Anne 1978 isch e zweete Bildigsgang derzue chuu, d Fachschuel fir Gaschtronomy. As Maischterschuel in änger Zämenarbet mit dr Induschtry- un Handelschammere kunzipiert, bietet si syterhär e optimali Verbindig vu dr Maischterbriefig im Gaschtgwärb (as Chuche-, Reschtaurant- oder Hotälmaischter) mit em staatlige Abschluss as Gaschtronom.

In dr 1980er-Johr isch d Schuel unter dr Schuellaitig vu dr Marianne Müller expandiert un s Schuelgebei in dr Rohrbacher Straße isch z chlai wore. Anne 1989 het mer in s Gebei vun ehmolige Boxberg-Gimnasium in dr Waldparksidlig Boxberg chenne yyzie. As vorlaifig letschte Bildigsgang isch 1992 d Fachschuel fir Sommelier derzue chuu, wu as ainzig effetligi Fachschuel e Wyterbildig in Vollzytform fir Wyyexperte aabietet.

Syter 2016 chenne d Studänte*ne vu dr Hotelfachschuel näb em klassische Abschluss as Hotelbedribswirt au dr B.A. International Management im Färnstudium an dr Victoria – Internazionale Hochschuel z Berlin mache.

Syt aafangs 2020 s neu Beruefsbildigsgsetz (BBIG) inm Chraft drätten un d Furtbildigsverornig aabasst woren, kriege d Absolwänte*ne vu dr Fachschuel fir Hotälbedribswirtschaft un Hotälmanagement syt Juli 2021 zuesätzli dr Abschluss Bachelor Professional in Wirtschaft.[12]

Bildigsgäng

[ändere | Quälltäxt bearbeite]
  • Fachschuel fir Hotelbedriibswiirtschaft un Hotelmanagement
  • Fachschuel fir Gaschtronomy
  • Fachschuel fir Sommelier[13]

Abschliss

[ändere | Quälltäxt bearbeite]
  • Staatli briefte Bedriibswiirt / Staatli briefti Bedriibswiirti un Bachelor Professional in Wiirtschaft
  • Staatli briefte Gaschtronoom / Staatli briefti Gaschtronoomi
  • Staatli briefte Sommelier / Staatli briefti Sommelière
  • Maischter/Maischteri im Gaschtgwäärb (Induschtry- un Handelschammere)
  • Fachhoochschuelryyfi
  • Bachelor of Arts International Management (Victoria – Internationale Hochschule)[14]

Uusglääseni Absolwänte*ne

[ändere | Quälltäxt bearbeite]

– alphabetisch –

[ändere | Quälltäxt bearbeite]

Fueßnote

[ändere | Quälltäxt bearbeite]
  1. ↑ 1,0 1,1 Entwicklung der Schule. hotelfachschule-heidelberg.de, abgruefen am 23. November 2020.
  2. ↑ Schulleitung. In: www.hotelfachschule-heidelberg.de. Abgruefen am 23. November 2020.
  3. ↑ Gabler Fritz. In: LEO-BW. Abgruefen am 2. Januar 2019.
  4. ↑ Stadt Heidelberg: Fritz-Gabler-Schule. Abgruefen am 2. Januar 2019.
  5. ↑ Willy Pauly: Fritz Gabler ist von uns gegangen (Nachruf). In: Allgemeine Hotel- und Gaststätten-Zeitung, 8. Augschte 1953.
  6. ↑ Landesarchiv Baden-Württemberg: Fritz Gabler. In: LEO-BW. Abgruefen am 2. Januar 2019.
  7. ↑ Stadtbuch der Stadt Heidelberg für das Jahr 1930. Verlag Hörning, abgruefen am 7. Januar 2019 (Digitalisat der UB Heidelberg).
  8. ↑ Vereinssatzung 2018. vhh-heidelberg.de, abgruefen am 3. Januar 2019 (PDF).
  9. ↑ VHH Historie. vhh-heidelberg.de, abgruefen am 3. Januar 2019.
  10. ↑ Heidelberger Stadt-Adreßbuch 1938. Verlag Hörning, abgruefen am 7. Januar 2019 (Digitalisat der UB Heidelberg).
  11. ↑ Zeittafel zur Heidelberger Geschichte ab 1933. In: Heidelberger Geschichtsverein. Abgruefen am 7. Januar 2019.
  12. ↑ Bachelor Professional. Abgruefen am 10. August 2021.
  13. ↑ Fritz-Gabler-Schule. In: Stadt Heidelberg. Abgruefen am 2. Januar 2019.
  14. ↑ Betriebswirt. In: Hotelfachschule Heidelberg. Abgruefen am 10. August 2021.
Dä Artikel basiert uff ere fräie Übersetzig vu dere Version vum Artikel „Hotelfachschule_Heidelberg“ vu de dütsche Wikipedia. E Liste vu de Autore un Versione isch do z finde.

Koordinate: 49° 22′ 20,2″ N, 8° 42′ 11,9″ O

Vun "https://als.wikipedia.org/w/index.php?title=Hotelfachschule_Heidelberg&oldid=1026661"