Dr Holbäibrunne

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

47.5572527777787.5828277777778Koordinaten: 47° 33′ 26″ N, 7° 34′ 58″ O; CH1903: 610854 / 267403

Dr Holbäibrunne an dr Spaalevorstadt
Dialäkt: Baseldütsch
Usschnitt us dr Stadtaasicht vo Basel vom Matthäus Meriaa em Eltere, 1642.[1] Im 17. Joorhundert isch dr Holbäibrunne no bim innere Spaaledoor gstande (Middi linggs uf däm Uschnitt vo dr Stadtaasicht vom Meriaa).

Dr Holbäibrunne, Spaalebrunne oder Saggpfiferbrunne isch en öffentlige Brunne am Stroossenegge vo dr Spaalevorstadt und dr Schützemattstrooss in dr Stadt Baasel, grad vor em Schwizerische Füürweermuseum. Sit 1915 isch er dänggmolgschützt und zelt zu de Baasler Kulturgüeter.

Dr Brunne isch sit öbbe 1545 in Betriib und isch ursprünglig bim Spaaleschwibbooge gstande. Er isch us Sandstäi, het en achteggigs Beggi und isch 497 Santimeter hooch. Am undere Däil vom Brunnestogg hets e farbigi Noochbildig vom Hans Holbein em Jüngere sim «Buuredanz» und oobedruf stoot e Dudelsackpfifer, wo woorschinlig vom Kupferstich vom Albrecht Dürer vo 1514 inspiriert gsi isch. Es isch s äinzige Bischbil vom ene Buuredanz uf eme Brunne.[2]

1839 isch dr Brunne an d Spaalevorstadt versetzt worde. S Original vom Dudelsackpfifer wird scho sit 1885 im Historische Museum ufbewaart. 1886 het mä vom Künstler Jean Hym e Kopii lo mache, wo mä sider uf em Brunne cha go bschaue.

Im Summer wird s Becki unde mit Blueme gschmüggt.

Kwelle[ändere | Quälltäxt bearbeite]

Fuessnoote[ändere | Quälltäxt bearbeite]

  1. Merian Basel 1642.jpg
    Uf dr Aasicht vom Meriaa vo 1642 gseet mä s Spaledoor rächts uf em Bild.
  2. Daniela Münkel, Frank Uekötter, Frank Uekotter: Das Bild des Bauern: Selbst- und Fremdwahrnehmungen vom Mittelalter bis ins 21. Jahrhundert, Vandenhoeck & Ruprecht, 2012, S.59f.