Hiroshima

Us der alemannische Wikipedia, der freie Dialäkt-Enzyklopedy
Hiroshima-shi
広島市
Hiroshima (Japan)
Hiroshima (Japan)
Geographischi Laag z Japan
Region: Chūgoku
Präfektur: Hiroshima
Koordinate: 34° 23′ N, 132° 27′ OKoordinate: 34° 23′ 7″ N, 132° 27′ 19″ O
Basisdaate
Fläche: 905,25 km²
Iiwooner: 1.199.391
(1. Juni 2019)
Bevölkerigsdichti: 1.325 Iiwooner bro km²
Gmäindischlüssel: 34100-2
Sümbol
Flagge/Wappen:
Flagge/Wappen von Hiroshima
Baum: Campherbaum
Bluem: Oleander
Roothuus
Adrässe: Hiroshima City Hall
1-6-34, Kokutaiji
Naka-ku, Hiroshima-shi
Hiroshima 730-8586
Webadresse: www.city.hiroshima.lg.jp
Lag vo Hiroshima in dr Präfektur Hiroshima
Lage Hiroshima in dr Präfektur

Hiroshima ([çi'ɺoɕima], jap. 広島市, -shi, dt. „witrüümigi Insle“) isch e Haafestadt im Südweste vo dr japanische Hauptinsle Honshū und dr Verwaltigssitz vo dr Präfektur Hiroshima.

Hiroshima isch als Ziil vom erste chriegerische Kärnwaffeniisatz am 6. August 1945 uf dr ganze Wält bekannt worde.

Gschicht[ändere | Quälltäxt bearbeite]

D Burg, wo ursprünglig zwüsche 1592 und 1599 baut worden isch, isch 1945 vollkomme zerstöört worde und mä het sä 1958 nöi ufbaut. Si isch hüte e Museum.

Hiroshima isch um e Burg, d Karpfeburg us em spoote 16. Joorhundert, gwaggse und isch under dr Herrschaft vo dr Familie Asano, wo bis zur Meiji-Restaurazioon dört regiert het, usbaut worde.

Dr Usbau vom Haafe 1889 und dr Aaschluss 1894 an d Sanyō-Iisebaanlinie zwüsche Kōbe und Shimonoseki häi e witere Ufschwung vo dr Stadt zur Folg ghaa.

Während em Erste Japanisch-Chinesische Chrieg (1894–1895) isch Hiroshima s käiserlige Hauptkwardier gsi, spööter isch s zum ene milidäärische Zentrum vom Käiserriich Japan worde. Bis zum Zwäite Wältchrieg isch d Stadt immer bedütender worde und isch die sibtgrössti Stadt z Japan gsi.

Zerstöörti Stadtflechi

Am 6. August 1945 am Viertel ab Achdi am Morge het s amerikanische Bomberflugzüüg Enola Gay us 9450 Meter Höchi d Uranombe Little Boy über dr Metropoole abgworfe. Öbbe e Minute spööter isch si 580 Meter über em Boode explodiert. Das isch dr ersti Iisatz von ere Kernwaffe inm ene Chrieg gsi und si het öbbe 80 % vo dr Stadt, wo bis denn umbeschäädigt gsi isch, zerstöört und rund 90.000 Mensche sofort (dür Druckwälle, Brand und Radioaktivität) döödet und rund 110.000 Mensche längerfrischtig dür Chräbs vo der Radioaktivität.[1] D Iiwohnerzahl insgesamt damals isch 360.000 gsii[2]

Noch 1949 isch Hiroshima wider ufbaut worde und het sich zum ene wichdige Industriistandort entwicklet und isch hüte mit über 1,1 Millione Iiwooner die elftgrössti Stadt z Japan.

Weblingg[ändere | Quälltäxt bearbeite]

 Commons: Hiroshima – Sammlig vo Multimediadateie

Einzelnachwiis[ändere | Quälltäxt bearbeite]

  1. IPPNW Schweiz: Atom und Strahlenrisiko, 1998
  2. H. Herlin: Kain, wo ist dein Brunder Abel?

Lueg au[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Hiroshima“ vu de dütsche Wikipedia. E Liste vu de Autore un Versione isch do z finde.