Herrschaft Grasburg

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
S Wappe vo de Herrschaft Grasburg

D Herrschaft Grasburg isch es historischs Territorium uf em Gebiet vom hütige Kanton Bärn. D Gränze entspreched dene vom ehemolige Amtsbezirk Schwarzeburg, wo bis zum Ändi vom 2009 Bschtand het gha. D Herrschaft Grasburg isch vom 1423 bis ins 1798 e gmeini Herrschaft vo de Schtadtschtaate Bärn und Fryburg gsi.

Gschicht[ändere | Quälltäxt bearbeite]

D Herrschaft het ihre Name vo de Grasburg, wo uf em Gmeindsbann vo de hütige Gmeind Wahlern ligt. Grasburg isch es alts Lehe vom Riich gsi, wo im Mittelalter in de Händ vo de Kyburger gläge-n-isch. Wo des Gschlecht im 1264i usgschtorbe isch, isch s Lehe an d Habsburger gfalle. Im 1310 hei d Habsburger wäge Geldmangel d Herrschaft Grasburg an Savoye verpfändet, wo s dann als Pfand de Schtadt Fryburg witergäh het. Im 1423 hei d Savoyer d Herrschaft dann an Fryburg und Bärn verchauft, wo s Gebiet – abgseh vo de Johr 1448-1455, wo Bärn eleige d Herrschaftsrächt usgüebt het – bis zu den Uflösig vo de Alte Eidgnosseschaft im 1789 gmeinsam verwaltet hei. Im 1789 isch d Herrschaft Grasburg zum Kanton Bärn cho.