Henman Offenburg

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Dr Henman Offeburg (* 1379 z Baasel; † 1459 z Baasel) isch e Kaufmaa, Politiker, Diplomat und Chronist z Baasel gsi.

Lääbe und Wärk[ändere | Quälltäxt bearbeite]

Dr Henman Offeburg, Soon vom ene Apideeker us eme Baasler Achtburgergschlächt, het as Kaufmaa sich s Lääbe verdient. Wääred em Konzil z Konstanz het er e Bank gfüert. Er het dr König Sigismund in in Finanzfrooge berootet und dä het em 1417 e Wabbebrief gee und en 1433, won er grad zum Kaiser kröönt worde isch, zum Ridder gschlaage. 1437 het er e Pilgerfaart ins Häilige Land gmacht und isch z Jerusalem zum Ridder vom Häilige Graab ernennt worde.

Dr Henman Offeburg isch vo 1406 aa bis zu sim Dood Mitgliid vom Chläine Root gsi, zerst as Verdräter vo de Zümft, denn vo de Achtburger und vo 1435 aa as Ridder. Viermol isch er Oberrstzumftmäister worde. Er isch vo Baasel as Diplomat iigsetzt worde, aber au vom Baasler Konzil und au vom Kaiser Sigismund. Wäge sine ööstriichische Lääche het men en 1445 für e Zitli us em Root usgschlosse. In dere Zit het er en autobiografischi Rächtfertigungsschrift verfasst, won er din e Chronik vo de Joor 1413 bis 1445 ufstellt.

Wärk[ändere | Quälltäxt bearbeite]

  • Die Chronik Henmann Offenburgs. In: Basler Chroniken, Bd. 5, 1895, uusegee vom A. Bernoulli, Leipzig 1895, S. 201–299.

Litratuur[ändere | Quälltäxt bearbeite]

  • Elsanne Gilomen-Schenkel: Henman Offenburg 1379–1459, ein Basler Diplomat im Dienste der Stadt, des Konzils und des Reichs. Reinhardt, Basel 1975, ISBN 3-7245-0367-9 (= Quellen und Forschungen zur Basler Geschichte, Band 6).
  • Helen Liebendörfer: Des Kaisers neue Socken, Reinhardt, Baasel 2015 ISBN 978-3-7245-2083-2 (Roman)

Weblingg[ändere | Quälltäxt bearbeite]