Helvetie

Us der alemannische Wikipedia, der freie Dialäkt-Enzyklopedy
Die blanti Ufdeilig vo dr Eidgenosseschaft 1798: Helvetie isch in Grüen.

Helvetie, französisch Helvétie, isch dr Name vo einere vo de drei Dochderrepublike gsi, wo s revolutionäre Frankriich 1798 vorghaa het, uf em Gebiet vo dr ehemolige Eidgenosseschaft z errichde. Si hätt die dütschsprochigi Schwiiz umfasst mit Usnahm vo dr Innerschwiiz und Graubünde, wo dr Tellgau hätte sötte usmache und vom Oberland, Wallis und Freiburg, wo zur Rhodanische Republik hätte sötte ghöre.

Die drei Republike si vom Kommandeur vo de französische Druppe in dr Schwiiz, em General Guillaume Brune, am 16. und 19. Merz 1798 proklamiert worde, was aber noch heftige Protest scho am 22. Merz widerrüeft worden isch.

Helvetie isch au dr Churzname gsi, wo für die Helvetischi Republik brucht worden isch.