Helene Fischer

d Helene Fischer (2016)

Unterschrift

D Helene Fischer (* 5. Augschte 1984 z Krasnojarsk, Sowjetunion) isch e dytschi Schlagersängeri, Dänzeri un Entertaineri. Si zellt mit iber 18 Millione verchaufte Dondreger zue dr erfolgrychschte Sänger*ne vu Dytschland. Ihri Albe «Farbenspiel» un «Best of Helene Fischer» ghere zue dr maischtverchaufte Musikalbe z Dytschland. Di mehfach pryysgchrent Chinschtleri schafft au fir s Färnseh un bresäntiert an dr Wynächte syter anne 2011 «Die Helene Fischer Show».

Härchumft un Uusbildig

D Helene Fischer isch as zwait Chind vum russlanddytsche Eebaar Maria un Peter Fischer z Sibirien uf d Wält chuu. Ihre Vater het as Sportlehrer gschafft un ihri Mueter as Ingenieuri an erer Hochschuel. D Großeltere sin Wolgadytschi gsii, wu 1941 uf Sibiririe deportiert wore sin. Anne 1988 sin ihri Elter mit ihre un ihre sechs Johr eltere Schweschter uf Wöllstein z Rhyland-Pfalz uusgwanderet. D Helene Fischer isch z Wöllstein uf Realschuel un het dert scho an Theater-AG un Musicalkurs dailgnuu.

Noch em Realschuelabschluss anne 2000 het d Helene Fischer an dr Stage & Musical School z Frankfurt am Main e dreijehrigi Uusbildig gmacht, wu si mit dr Bihniryfibriefig as staatlig anerkännti Musicaldarstelleri abgschlosse het. Scho in dr Zyt vu ihren Uusbildig het si erschti Engaschmänts ghaa. Si isch am Staatstheater Darmstadt in d Rocky Horror Show un am Volkstheater Frankfurt in dr Schlagerrevue Fifty-Fifty un em Musical Anatevka ufdrätte.

Karriere

Helene Fischer (2011)

Dr Fischer ihri Mueter het e Demo-CD an dr Chinschtlermanager Uwe Kanthak gschickt. Dää het derno Kontakt mit em Produzänt Jean Frankfurter ufgnuu, un d Fischer het e Platteverdrag iberchuu. Ihri Färnsehpremiere het d Fischer am 14. Mai 2005 im Erschte im Hochzeitsfest der Volksmusik ghaa, wu si ne Duett mit em Florian Silbereisen gsunge het. Am 3. Februar 2006 isch ihre erscht Album «Von hier bis unendlich» erschine.

Ihre dritt Studioalbum «Zaubermond» (2008) isch bis uf Blatz 2 vu dr dytsch Albumchart chuu, ihre viert Album So wie ich bin (2009) isch wider uf Blatz 2 vu dr dytsche Albumchart, z Eschtrych bis uf Blatz 1 chuu, in dr Schwyz uf Blatz 7. Mit ihrem fimfte Studioalbum «Für einen Tag» (2011) isch si derno au z Dytschland uf Blatz 1 vu dr Albumchart chuu, z Eschtrych un in dr Schwyz je uf Blatz 2. Ihr sechst Studioalbum «Farbenspiel» (2013) isch schließlig in allene drei Länder uf Blatz 1 vu dr Albumchart chuu. Us däm Album isch am 29. November 2013 d Singleuuskopplig «Atemlos durch die Nacht» erschine, ihre bishär greschte Hit, wu z Dytschland bis uf Blatz 3 vu dr Singlechart chuu isch, z Eschtrych uf Blatz 1 un in dr Schwyz uf Blatz 2.

Sunschtigs

Ab Mai 2008 isch d Helene Fischer mit Florian Silbereisen liiert gsii. Di baide hän as Draumbaar vum dytsche Schlager gulte. Im Dezämber 2018 hän si verchindet, ass si scho lenger drännt seie.

D Fischer engaschiert si syt em Dezämber 2012 im Verein roterkeil gege Prostitution vu Minderjehrige.

Uusgläseni Diskografy

Albe Studioalbe 2006: Von hier bis unendlich 2007: So nah wie du 2008: Zaubermond 2009: So wie ich bin 2011: Für einen Tag 2013: Farbenspiel 2015: Weihnachten 2017: Helene Fischer 2021: Rausch Livealbe 2009: iTunes Live aus München 2010: Best of Helene Fischer live – So wie ich bin 2012: Für einen Tag – Live 2012 2013: Farbenspiel – Live aus dem Deutschen Theater München 2014: Farbenspiel live – Die Tournee 2015: Farbenspiel live – Die Stadion-Tournee 2017: Das Konzert aus dem Kesselhaus 2018: Helene Fischer live – Die Arena-Tournee 2019: Helene Fischer live – Die Stadion-Tour 2022: Rausch – Live 2024: Rausch Live – Die Arena Tour Kompilatione 2010: Best of Helene Fischer 2010: The English Ones 2014: Best of Live – Die schönsten Live-Momente 2020: Die Helene Fischer Show – Meine schönsten Momente (Vol. 1) 2023: Das ultimative Best Of Remixalbe 2011: Best of Helene Fischer – Der ultimative Dance-Mix EP 2014: Marathon

Single 2006: Und morgen früh küss ich dich wach 2007: Mitten im Paradies 2008: Lass mich in dein Leben 2009: Ich will immer wieder … dieses Fieber spür’n 2011: Phänomen 2012: Die Hölle morgen früh 2013: Die Biene Maja 2013: Fehlerfrei 2013: Atemlos durch die Nacht 2014: Marathon 2015: Fröhliche Weihnacht überall 2015: Rudolph, the Red-Nosed Reindeer 2015: The Power of Love 2017: Herzbeben 2017: Nur mit dir 2017: Achterbahn 2018: Flieger 2018: Regenbogenfarben 2019: See You Again 2019: 90’s Medley 2019: Sonnen Medley 2021: Vamos a marte 2021: Volle Kraft voraus 2021: Null auf 100 2022: Jetzt oder nie 2022: Liebe ist ein Tanz / Blitz 2022: Wenn alles durchdreht

Filmografy

• 2013: Das Traumschiff: Puerto Rico
• 2015: Tatort: Schwarzer Ritter

Uuszaichnige (Uuswahl)

• Bambi
  • 2013: in dr Kategory Musik national
  • 2014: in dr Kategory Entertainment

• ECHO Pop
  • 2009: in dr Kategory Deutschsprachiger Schlager
  • 2009: in dr Kategory DVD Produktion des Jahres (Mut zum Gefühl – Helene Fischer live)
  • 2010: in dr Kategory DVD Produktion national (Zaubermond live)
  • 2012: in dr Kategory Deutschsprachiger Schlager
  • 2013: in dr Kategory Deutschsprachiger Schlager
  • 2013: in dr Kategory DVD national (Für einen Tag – Live 2012)
  • 2014: in dr Kategory Album des Jahres (Farbenspiel)
  • 2014: in dr Kategory Deutschsprachiger Schlager
  • 2015: in dr Kategory Deutschsprachiger Schlager
  • 2015: in dr Kategory Hit des Jahres (Atemlos durch die Nacht)
  • 2015: in dr Kategory Album des Jahres (Farbenspiel)
  • 2015: in dr Kategory DVD national (Farbenspiel – Live 2014)
  • 2016: in dr Kategory Album des Jahres (Weihnachten)
  • 2016: in dr Kategory Musik-DVD/Blu-ray national (Weihnachten un Farbenspiel Live)
  • 2016: in dr Kategory Live-Act national (Farbenspiel Live – Die Stadion-Tournee)
  • 2016: in dr Kategory Crossover (Weihnachten)

• Goldene Henne
  • 2007: in dr Kategory Aufsteigerin des Jahres
  • 2008: in dr Kategory Musik
  • 2010: in dr Kategory Musik
  • 2012: in dr Kategory Musik
  • 2014: in dr Kategory Musik
  • 2014: in dr Kategory Superhenne

• Goldene Kamera
  • 2012: in dr Kategory Beste Musik national
  • 2016: in dr Kategory Beliebtester deutscher Musik-Act

• Krone der Volksmusik
  • 2008: in dr Kategory Erfolg des Jahres 2007
  • 2009: in dr Kategory Erfolg des Jahres 2008
  • 2010: in dr Kategory Erfolgreichste Sängerin 2009
  • 2012: in dr Kategory Erfolgreichste Sängerin 2011

• Romy
  • 2014: in dr Kategory Beliebteste/r Moderator/in – Show

• St. Georgs Orden des Semperopernballs e. V.
  • 2012: in dr Kategory Sonderpreis

• World Music Awards
  • 2014: in dr Kategory Best-selling German Artist

Literatur

• Helene Fischer – Ihre größten Erfolge. Arrangiert für Klavier, Gesang + Gitarre. Songbook, Bosworth, Berlin u. a. 2009, ISBN 978-3-86543-409-8.
• Sabine Meltor: Helene Fischer. CBX, München 2014, ISBN 978-3-9816801-0-2.
• Conrad Lerchenfeldt: Helene Fischer, Riva, München 2014, ISBN 978-3-86883-453-6.

Weblink

 Commons: Helene Fischer – Sammlig vo Multimediadateie

• Offiziälli Websyte
• Helene Fischer in de Internet Movie Database (änglisch)
• Raoul Löbbert: Der deutsche Volkskörper. Helene Fischer bestimmt die Leitkultur auf der Ballermann-Party. Warum nur?, in: Christ und Welt 38/2014.

Fueßnote

Dä Artikel basiert uff ere fräie Übersetzig vu dere Version vum Artikel „Helene_Fischer“ vu de dütsche Wikipedia. E Liste vu de Autore un Versione isch do z finde.