Hans Ruf

Dr Hans Ruf (* 19. Februar 1939 z Demberg) isch e dytsche Haimetdichter.

Lääbe

Dr Ruf isch z Demberg uf eme Buurehoof bi syre Mueter mit eme elter Brueder ufgwagse. Sy Vater het er nume aimol anne 1942 bi me Fronturlaub gsää, syter 1944 het dr Vater has z Russland vermisst gulte. Dr Hans Ruf isch z Wiis uf d Schuel gange un het derno uf em Buurehoof mitghulfe. Zeh Johr lang het er im Säägwäärch Weber z Wiis gschafft, derno 12 Johr lang bi dr Firma Rietschle un schließli bis zue syre Ränte anne 2001 bim Vermässigsamt z Löörech. Anne 1959 het er d Lore Kuttler vu Wies ghyroote. Mit ire het er drei Chinder.

Dr Hans Ruf schrybt Gedicht uf Alemannisch. Scho 1992 het er en Uuswahl mit 59 Gedicht un Bilder vum Heiner Wagner unter em Titel „D‘ Heimet rüeft“ publiziert, e zweet Biechli „‘s Chlei Wiesedal loßt grüeße“.mit 53 Gedicht un Bilder vum Theo Kölbl anne 1997 un 2002 e dritte Gedichtband „Ne Hämpfeli Heimet“ mit Bilder vum Jeannot Weißenberger.

Wäärch

• D‘ Heimet rüeft. Eigenverlag, Demberg 1992
• ’S Chlei Wiesedal loßt grüeße. Eigenverlag, Demberg 1997
• Ne Hämpfeli Heimet. Eigenverlag, Demberg 2001

Weblink

• dr Hans Ruf uf dr Websyte vu dr Muettersproch-Gsellschaft
• Gedichte aus dem heimatlichen Tal, Badische Zeitung, 25. April 2002