Hans Hug Kluber

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Baseldütsch
Sälbstbordret vom Hans Hug Kluber und sinere Familie im Baasler Dootedanz. Akwarellkopii vom Johann Rudolf Feyerabend (1806)

Dr Hans Hug Kluber (1535/6-1578) isch e Basler Mooler gsi.

Hans Hug: Bordret vom Hans Rudolf Faesch und sinere Familie, 1559

Dr Kluber (odr Klauber) isch 1535/36 z Basel uf d Wält cho. Si Lehrzit het er vermuetlig bim Hans Asper z Züri absolviert. 1555 isch er dr Basler Moolerzumft «zum Himmel» biidräte. Dr Hans Bock dr Elteri isch 1570 bi ihm Gsell worde. Dr Kluber isch mit dr Barbara Haller verhürotet gsi. Am 2. Februar 1578 isch er z Basel an dr Pest gstorbe.

Zwar het me Beleeg für vili Ufdräg, aber vo siine Wärk isch nüm vil umewääg: Zeichnige noch eltere Meister (1548), zwei Bildniss (1552), eis vom Hans Rispach und eis vo dr Barbara Meyer zum Pfiil, e Portret vo dr Familie vom Basler Zumftmeister Hans Rudolf Faesch (1559, im Kunstmuseum Basel) und d "Geburt Christi" (1562, im Kunstmuseum Basel). Z Basel het dr Kluber immer wider öffentligi Wandmoolereie usgfüehrt. 1568 het er dr Dotedanz[1] an dr Predigerchille, wo Fragmänt drvo im Historische Museum Basel z gseh si, restauriert und es Portret vo sich und siiner Familie[2] und es Skelett im Stil vom Vesalius[3] drzue zeichnet. 1575 het er e Riterbild am Näbedoor vom Grossbasler Rhiidor gmoolt, wo nit erhalten isch.

Im Kluber si Wärk zeigt dr Iifluss vom Hans Holbei em Jüngere.

Literatur[ändere | Quälltäxt bearbeite]

Weblingg[ändere | Quälltäxt bearbeite]

Fuessnote[ändere | Quälltäxt bearbeite]

  1. Michael Neill, Issues of Death: Mortality and Identity in English Renaissance Tragedy, Oxford University Press, 1999, S.72
  2. Michael Neill, op.cit. S.77
  3. Michael Neill, op.cit. S.104