Dr Medalliör Hans Frei

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Baseldütsch

Dr Hans Frei (* 30. April 1868 z Baasel, † 1947 z Rieche) isch e Baasler Medalliöör und Bildhauer gsi.[1]

Lääbe und Wärk[ändere | Quälltäxt bearbeite]

Medallie vom Hans Frei: Bidritt vo Basel zue dr Eidgenosseschaft as Stadtort 1501.

Dr Hans Frei het an dr Allgemäine Gwärbschuel Baasel gleert. Er isch denn uf Wien gange, zum Grawöör z leere, und isch dört au uf e Ziselierschuel gange. Denn isch er uf Bariis, wo äine vo sine Leerer dr Oscar Roty gsi isch. Er het an dr der Académie Julian gleert und 1895 en äignigs Ateliee ufdoo. 1899 isch er uf Baasel zrugg und het dört as Medalliöör und Kunsthandwärker gschafft.[2] 1918 het er sich en Ateliee grad bi dr Drammhaltstell Pfaffeloh baut.

Im Frei si Wärk umfasst mee as 450 Medallie und Blaggedde, Schmugg, Röliefdäller, Bächer usw. und meereri Vollblastigge.[3] 1943 het er e Kollektiv-Usstellig vo sine Wärk in dr Kunsthalle Baasel ghaa.

Familie[ändere | Quälltäxt bearbeite]

Dr Hans Frei isch mit dr Emma Wenk, dr Dochder vom Gmändibresidänt Hans Wenk, verhürootet gsi. Si Dochder Hedwig isch au Medalliöörin worde.

Fuessnoote[ändere | Quälltäxt bearbeite]

  1. Hermann Aeppli: Der Riehener Medailleur Hans Frei. Stiftung z'Rieche, Dokumentationsstelle Riehen, 1966, archiviert vom Original; abgerufen am 14. November 2017.
  2. Frei, Hans; Medaille 'Friderico Schiller', 1905, mit Bildli von e baar Medallie, abgrüeft am 30. Januar 2015
  3. Reliefteller des Schweizerischen Schützenvereins (Site cha nüme abgrüeft wärde; Suche im Webarchiv)[1] [2] Vorlage:Toter Link/www.hmb.ch uf dr Website vom Historische Museum Baasel, abgrüeft am 30. Januar 2015